2024-05-11 09:18
Информагентства
Մինչև կիրակի երեկո պետք է հայեցակարգեր ներկայացնել. Բագրատ սրբազանը հանձնարարականներ տվեց
Տավուշի թեմի առաջնորդ Բագրատ արքեպիսկոպոս Գալստանյանը «Տավուշը հանուն հայրենիքի» շարժման մասնակիցներին մինչև կիրակի երեկո ժամանակ տվեց, որպեսզի նրանք դիվանագիտական ու ռազմական հայեցակարգեր ներկայացնեն։ Նա այդ մասին հայտարարեց հանրահավաքի ժամանակ։
Սրբազանը հանձնարարեց մշակել և կազմել խաղաղ բանակցությունների, սահմանազատման և սահմանագծման հստակ հայեցակարգը և այդ բանակցությունների անընդհատականությունը։
«Որպեսզի այս մարդկանց ներկայացնենք, թե ինչ ենք ուզում։ Ցույց տանք տարբերությունը, որ մարդիկ իմանան՝ ինչպես են խաբված ու ստված, որ իմանան իրական պատկերը, որը պետք է լինի»,– ասաց նա։
Իսկ նախկին զինվորականներին նա խնդրեց ներկայացնել պետական անվտանգության բարձրացման հայեցակարգ։
«Մեր փափագն է, որ դուք կարողանաք համեմատություն անել , որ դուք հասկանաք, թե ինչ վիճակում եք հիմա ու ինչ ենք առաջարկում մենք հիմա ձեզ»,– ասաց նա։
Սրբազանը հավաքվածներին խնդրեց ձեռքերը ծալած չնստել և նույնպես ներկայացնել, թե ինչ գործողություններ են ուզում իրականացնել։ Տավուշի թեմի առաջնորդը հորդորեց մարդկանց մինչև մյուս ուրբաթ խաղաղ, բարեկիրթ և համառ բանակցություններ ունենալ ՔՊ–ականների հետ։
«Սուրճ խմեք, թեյ խմեք իրենց հետ, պատրաստ չե՞ք, բա դուք մահապարտ չե՞ք... Կատակը կատակ, բայց սա շատ կարևոր է։ Մենք պետք է բացատրական աշխատանքներ տանենք առանց վիրավորանքի ու ագրեսիայի»,– հավելեց Բագրատ սրբազանը։
Վերջում նա տեղեկացրեց, որ վաղը հանրահավաք չի նախատեսվում. 10 տեղերում՝ Երևանում ու մարզերում, խաղաղ անհնազանդության, անհամաձայնության գործողություններ են իրականացվելու։ Իսկ հանրահավաք կլինի կիրակի` 18։30–ին, այդ օրը կներկայացվի շարժման քայլաշարը։
Sputnik Արմենիա
ПОСЛЕДНИЕ ОТ АВТОРА
-
2025-06-26 20:14Страны ЕАЭС и Индия приняли решение начать консультации по проекту торгового соглашения. Об этом министр по торговле Евразийской экономической комиссии Андрей Слепнев заявил на брифинге в рамках Евразийского экономического форума, проходящего в Минске.
-
2025-06-26 20:11По приглашению начальника Генерального штаба ВС Турецкой Республики генерала армии Метина Гюрака делегация Азербайджана во главе с первым заместителем министра обороны – начальником Генерального штаба ВС Азербайджана генерал-полковником Керимом Велиевым прибыла с визитом в Турцию.
-
2025-06-26 20:05Депутат фракции «Армения» Национального собрания Лилит Галстян написала:
-
2025-06-26 20:03Центральный комитет АРФ Дашнакцутюн Канады осуждает кампанию преследований, развязанную действующим режимом Армении против АРФД в Армении и оппозиционеров.