2024-05-16 13:00
Информагентства
USAID-ը և ՎԶԵԲ-ը «կօգնեն Երևանին, Բաքվին և Թբիլիսիին Միջին միջանցքի շրջանակում»
Վերակացուցման և զարգացման եվրոպական բանկը (ՎԶԵԲ) և ԱՄՆ Միջազգային զարգացման գործակալությունը (USAID) ստորագրել են փոխըմբռնման հուշագիր Տրանսկասպյան միջազգային տրանսպորտային երթուղու մասին, որը հայտնի է նաև որպես «Միջին միջանցք», Ասիայի և Եվրոպայի միջև Հարավային Կովկասով կապի հետագա ընդլայնման համար։
Գործընկերությունը կկենտրոնանա առևտրի, կանաչ էներգետիկայի, նոր ճյուղերում կատարվելիք ներդրումների, ինչպես նաև տրանսպորտային և թվային ենթակառուցվածքի ընդլայնման վրա Հայաստանում, Ադրբեջանում և Վրաստանում։
Նշվել է, որ Միջին միջանցքի ամրացումը նոր տնտեսական հնարավորություններ կստեղծի տարածաշրջանում և կապահովի առկա առևտրային միջանցքների այընտրանքային տրանսպորտային երթուղի։
Փոխըմբռնման հուշագիրը ուղղված է կրիտիկական կարևոր էներգետիկ, տրանսպորտային, թվային և գյուղատնտեսական ենթակառուցվածքի պլանավորման, նախագծման և կառուցման բարելավմանը տարածաշրջանում։
Փաստաթուղթը նաև ուղղված է՝ մաքսային, սակագնային և սահմանային գործառնությունների արդյունավետության բարձրացմանը, մասնավոր ներդրումների ներգրավմանը Հարավային Կովկասի երկրներում՝ «Միջին միջանցքի» զարգացման համար, ամենաբարձր միջազգային չափորոշիչների ընդունմանը Եվրոպայի և Հարավային Կովկասի երկրների տնտեսական կապերի զարգացման համար։
Համագործակցության մյուս առաջնահերթությունները կապված են ներդրումների ընդայնման հետ անածխածին էներգետիկայի զարգացման և կոռուպցիայի դեմ պայքարի բարեփոխումների առաջմղման, քաղաքացիական հասարակության հետ փոխգործակցության ընդլայնման ուղղությամբ։
Հուշագիրը ստորագրվել է Երևանում, ՎԶԵԲ ամենամյա բիզնես-համաժողովի շրջանակում։
Հիշեցնենք, որ այժմ Տրանսկասպյան (Միջին) միջանցքը անցնում է Վրաստանով և Ադրբեջանով։ Հայաստանը դրան չի մասնակցում։ Մինչ այդ Եվրահանձնաժողովի ներկայացուցիչը այս նույն համաժողովի շրջանակում նշում էր ԵՄ-ից Կենտրոնական Ասիա հաղորդակցությունների բացման շահավետությունը։ Փաստորեն, խոսքը թուրք-ադրբեջանական «Զանգեզուրի միջանցքի» նախագծի մասին է։
News.am
ПОСЛЕДНИЕ ОТ АВТОРА
-
New2025-06-20 22:04В Стамбуле состоялась встреча премьер-министра Республики Армения Никола Пашиняна и президента Турции Реджепа Тайипа Эрдогана. Об этом Новости Армении – NEWS.am сообщили в пресс-службе Правительства Армении.
-
New2025-06-20 21:29Подвергнутых сегодня приводу граждан начали отпускать. Об этом в беседе с журналистами заявил лидер движения «Священная борьба» архиепископ Баграт Галстанян.
-
2025-06-20 20:3459,7% опрошенных высоко оценили деятельность Армянской Апостольской церкви по 10-балльной шкале, не довольны ею 18,7%. Об этом свидетельствуют данные опроса фонда "Арар", заявил директор организации Армен Хачикян.
-
2025-06-20 20:30На данный момент задержано более двух десятков человек, но есть и те, чье местонахождение неизвестно. Об этом на встрече с журналистами 16 июня заявил представитель Верховного органа АРФ Дашнакцутюн, депутат парламента от блока «Армения» Ишхан Сагателян.