2024-05-21 17:30
Информагентства
ԵՄ խորհուրդը հաստատել Է ՌԴ ակտիվների եկամուտներով Կիևին ռազմական օգնություն տալու որոշումը
ԵՄ խորհուրդը հաստատել է ռուսական սառեցված սուվերեն ակտիվներից ստացված եկամուտներն Ուկրաինային ռազմական օգնության համար օգտագործելու որոշումը։ Հայտարարության մեջ նշվում է, որ այդ ակտիվներից ստացված մաքուր շահույթն ուղղվելու է Ուկրաինայի պաշտպանական ներուժի աջակցմանն ու դրա վերականգնմանը:
Որոշման հիմնական դրույթները ներառում են․
- Շահույթի 90%-ը, որը դեպոզիտարիաների կողմից տարեկան երկու անգամ փոխանցվում է ԵՄ բյուջե, կուղղվի Եվրոպական խաղաղության հիմնադրամին՝ Ուկրաինային ռազմական օգնությունը ֆինանսավորելու համար:
- Շահույթի մնացած 10%-ը կուղղվի Ուկրաինայի վերականգնման եվրոպական ծրագրերին:
- Դեպոզիտարիաները կկարողանան իրենց պահել շահույթի 10%-ը՝ ռիսկերը կառավարելու համար։
- Ֆինանսավորման նպատակները կվերանայվեն ամեն տարի, առաջին փուլը նախատեսվում է մինչև 2025 թ-ի հունվարի 1-ը:
Ուկրաինայում հակամարտության սկսվելուց ի վեր ԵՄ-ն և G7-ի երկրները սառեցրել են մոտ 300 միլիարդ եվրո ռուսական արժութային պահուստներ, որոնցից մոտ 200 միլիարդը գտնվում է ԵՄ-ում, հիմնականում բելգիական Euroclear-ում: Մինչ այս պահը քննարկվել են միայն Ուկրաինայի վերականգնման համար այդ ակտիվների օգտագործման ուղիները։
Եվրոպական կենտրոնական բանկը նախազգուշացրել է եվրոյի համար հնարավոր հեղինակության ռիսկերի մասին՝ կոչ անելով փնտրել Ուկրաինայի ֆինանսավորման այլընտրանքային ուղիներ:
Ի պատասխան այդ միջոցների՝ Կրեմլը հայտարարել է, որ նման որոշումները խախտում են միջազգային իրավունքը, իսկ ՌԴ ԱԳՆ-ն Եվրոպայում ռուսական ակտիվների սառեցումը որակել է գողություն: ՌԴ արտաքին գործերի նախարար Սերգեյ Լավրովը հայտարարել է, որ Ռուսաստանը պատասխան միջոցներ կձեռնարկի, ընդհուպ մինչև Ռուսաստանում գտնվող արևմտյան երկրների սառեցված միջոցները չվերադարձնելը:
Sputnik Արմենիա
ПОСЛЕДНИЕ ОТ АВТОРА
-
2025-06-20 22:04В Стамбуле состоялась встреча премьер-министра Республики Армения Никола Пашиняна и президента Турции Реджепа Тайипа Эрдогана. Об этом Новости Армении – NEWS.am сообщили в пресс-службе Правительства Армении.
-
2025-06-20 21:29Подвергнутых сегодня приводу граждан начали отпускать. Об этом в беседе с журналистами заявил лидер движения «Священная борьба» архиепископ Баграт Галстанян.
-
2025-06-20 20:3459,7% опрошенных высоко оценили деятельность Армянской Апостольской церкви по 10-балльной шкале, не довольны ею 18,7%. Об этом свидетельствуют данные опроса фонда "Арар", заявил директор организации Армен Хачикян.
-
2025-06-20 20:30На данный момент задержано более двух десятков человек, но есть и те, чье местонахождение неизвестно. Об этом на встрече с журналистами 16 июня заявил представитель Верховного органа АРФ Дашнакцутюн, депутат парламента от блока «Армения» Ишхан Сагателян.