2024-05-25 12:40
Информагентства
ՔԿ․ Մարտակերտի քաղաքապետը ձերբակալվել է խարդախություն և փաստաթղթեր կեղծելու համար
Արցախի Հանրապետության Մարտակերտի քաղաքապետ Միշա Գյուրջյանը մեղադրվում է խարդախությամբ խոշոր չափերով հափշտակության և փաստաթղթեր կեղծելու համար։ ՀՀ քննչական կոմիտեն հաղորդագրություն է տարածել, որում մանրամասներ է հայտնում Միշա Գյուրջյանին առնչվող քրեական վարույթի վերաբերյալ։
Թեպետ հաղորդագրության մեջ բացահայտ չի նշվում, որ խոսքը նրա մասին է, սակայն մեր աղբյուրները հաստատեցին՝ նշված հաղորդագրությունը վերաբերում է Միշա Գյուրջյանին և նրա ձերբակալությանհիմքերին։
Ըստ ՔԿ հաղորդագրության՝ մայիսի 24-ին ՀՀ ԱԱԾ-ից քննչական կոմիտե ստացված հաղորդման հիման վրա նախաձեռնվել է քրեական վարույթ։
«Նախաքննությամբ պարզվել է, որ Մ. Շ-ն և Վ. Ս-ն նախնական համաձայնությամբ՝ խմբով, այլ անձի (անձանց) սեփականության իրավունքով պատկանող, խոշոր չափերով՝ 1.935.000 ՀՀ դրամ արժողության «CHEVROLET LACETTI-1.4» մակնիշի (2010 թվականի թողարկման) թեթև մարդատար ավտոմեքենան խաբեությամբ հափշտակելու դիտավորությամբ 2024 թվականի հունվարի 12-ին միասին ներկայացել են ավտոմեքենայի օտարման գործարք կատարելու պետական մարմին, որտեղ Վ. Ս-ն, ներկայացնելով կեղծ տեղեկություններ վերոգրյալ ավտոմեքենան օտարելու լիազորություն ունենալու մասին, առանց օրինական հիմքի հանդես գալով պայմանագրի կողմեր՝ Վ. Ս-ն որպես նվիրատու, իսկ Մ. Գ-ն (նույնականացվում է որպես Միշա Գյուրջինյան,–խմբ.)՝ նվիրառու, կազմել են իրավաբանական նշանակության փաստ հավաստող կեղծ փաստաթուղթ՝ նվիրատվության պայմանագիր»,- տեղեկացնում են ՔԿ-ից։
Արդյունքում ավտոմեքենան ապօրինի օտարվել է Միշա Գյուրջյանին՝ այդ կերպ խաբեությամբ հափշտակելով 1.935.000 ՀՀ դրամ արժողությամբ «CHEVROLET LACETTI-1.4»-ը։
ՔԿ-ից շեշտում են, որ Միշա Գյուրջյանը, նախնական համաձայնությամբ, խմբի հետ կեղծել է փաստաթուղթ և կատարել խոշոր չափերով գույքի հափշտակություն:
Ձեռք բերված տվյալների հիման վրա նրան մեղադրանք է ներկայացվել ՀՀ քրեական օրենսգրքի 255-րդ (խարդախություն) հոդվածի 2-րդ մասի 1-ին և 3-րդ կետերով և 457-րդ (Փաստաթղթեր, դրոշմներ, կնիքներ, ձևաթղթեր կեղծելը կամ կեղծ փաստաթղթեր, դրոշմներ, կնիքներ, ձևաթղթեր իրացնելը, պատրաստելը կամ օգտագործելը) հոդվածի 2-րդ մասով։
Գյուրջյանը ձերբակալվել է: Նախաքննությունը շարունակվում է։
Sputnik Արմենիա
ПОСЛЕДНИЕ ОТ АВТОРА
-
New2025-06-21 15:34Городской совет Алькасера (провинция Валенсия, Испания) единогласно осудил геноцид османской Турцией, политику отрицания нынешних турецких властей и принял предложение о признании Геноцида армян, став 42-м испанским городом Испании, сделавшим это.
-
New2025-06-21 15:32Министр иностранных дел Ирана Аббас Арагчи в интервью NBC News заявил, что если Трамп решит, что США нанесут удар по Ирану, его правительство оставляет за собой право нанести ответный удар, как оно это сделало в отношении Израиля.
-
New2025-06-21 15:26Главный редактор армянского издания "Калифорнийский курьер" в Лос-Анжелесе Арут Сасунян высказал два взгляда на ситуацию относительно нападок власти на главу Армянской Апостольской Церкви и вставшего на ее защиту видного представителя делового сообщества и мецената из диаспоры.
-
New2025-06-21 14:43Арест главы ГК "Ташир" Самвела Карапетяна в Армении выгоден Евросоюзу. Такое мнение старший научный сотрудник Института глобальной политики Джордж Самуэли высказал в интервью RT.