2024-05-29 18:16
Информагентства
Monumentwatch.org-ի արձագանքը ադրբեջանական մեղադրանքներին
Արցախի մշակութային ժառանգության մշտադիտարկում իրականացնող monumentwatch.org կայքը գրում է.
«2024 թվականի մայիսի 22-ին ադրբեջանական AZTV հեռուստաալիքով հեռարձակված ռեպորտաժում նշվում է, թե հայկական կողմը ավերել է Խոջալուի դամբարանադաշտը՝ մեծ վնաս հասցնելով դամբարաններին, կուրգաններին և հնագիտական նյութերին: Տեսանյութում նաև նշվում է, թե իբր հայերը վնասել են նաև Խոջալուի մահմեդական դամբարանը՝ պոկելով դրա երեսպատման քարերը։
Ադրբեջանական կողմին հիշեցնենք, որ խորհրդային տարիներին ներկայիս Խոջալուի դամբարանադաշտի մոտ եղել է ադրբեջանական բնակավայր, որի բնակիչները այդ տարածքներում իրականացրել են գյուղատնտեսական գործունեություն, իրենց տների շինարարության համար այդ տարածքներից քար են վերցրել, ինչով և զգալի վնասվել էին դամբարանդաշտը:
Դամբարանադաշտին վնաս է հասցրել այդտեղ կառուցված օդանավակայանը, որը կառուցվել է խորհրդային տարիներին՝ հենց ադրբեջանական իշխանությունների կողմից: Դամբարանադաշտին վնաս է հասցրել նաև 1980-ականների վերջին իրականացված մեծ շինարարությունը, երբ զգալիորեն ընդլայնվել և մեծացվել է Խոջալու գյուղը, ուր բնակեցվել են թուրք-մեսխետինցիներ:
2000-ական թվականներին օդանավակայանի վերականգնման ժամանակ ընդարձակված թռիչքուղու շինարարությունը, ցավոք, ևս որոշակի վնասներ է հասցրել, ինչի մասին ահազանգել են հայ մասնագետները:
Խոջալուի դամբարանադաշտը որոշակի վնասներ է կրել նաև, երբ այդտեղ տեղակայվել են ռուսական ուժերը, ովքեր որոշ կուրգանների վրա դիտակետեր էին հարմարեցրել: Այս խնդիրը բարձրաձայնվել է Monument Watch թիմի կողմից, որի ներկայացուցիչները հանդիպել են ռուսական կողմի հետ:
Ինչ վերաբերում է իսլամական դամբարանին, ապա վերջինս առանց երեսպատման քարերի է շատ վաղուց, ինչի մասին կվկայեն խորհրդային տարիներին արված լուսանկարները (նկ. 1): Անկախության տարիներին այն ներառված էր Արցախի պատմա-մշակութային հուշարձանների ցանկում, պահպանվում էր պետության կողմից և մնացել է նույն՝ մինչպատերազմյան վիճակում (նկ. 2)»։
News.am
ПОСЛЕДНИЕ ОТ АВТОРА
-
New2025-03-15 17:3215 марта 1921 года на улице Гарденберг в Берлине был убит один из главных организаторов Геноцида армян — министр внутренних дел Османской империи Мехмед Талаат-паша.
-
New2025-03-15 15:46Постоялец из Турции, устроивший дебош в ереванской гостинице "Лондон", извинился перед ее персоналом и владельцами. Об этом написал на своей странице в facebook совладелец гостиницы Геворк Барсегян, комментируя распространившиеся с утра сведения об инциденте.
-
New2025-03-15 15:45Алиев утвердил присоединение Азербайджана к Уставу «Исламской восьмерки» (D-8), сообщают азербайджанские СМИ.
-
New2025-03-15 15:41Президент США Дональд Трамп в пятницу вечером подписал указ, который предписывает сократить работу еще семи государственных агентств, включая и отвечающее за работу финансируемых государством СМИ - Радио "Свобода" и "Голоса Америки".