2024-05-30 19:38
Информагентства
Երևանում մեկնարկել է թուրք-ադրբեջանական հայատյացության թեմայով գիտաժողով
Հայոց ցեղասպանության թանգարան- ինստիտուտի գիտաժողովների սրահում մայիսի 30-ին մեկնարկեց «Թուրք-ադրբեջանական հայատյացության շուրջ. միջգիտակարգային մոտեցումներ» խորագրով գիտաժողովը:
«Արմենպրես»-ի հաղորդմամբ՝ երկօրյա գիտաժողովն անցկացվում է ՀՀ ԿԳՄՍՆ Բարձրագույն կրթության և գիտության կոմիտեի «Թուրք-ադրբեջանական հայատյացության ակունքները, արդի վիճակը, միտումները (միջգիտակարգային մոտեցումներ)» գիտական թեմայի շրջանակներում:
Բացման խոսքում Հայոց ցեղասպանության թանգարան-ինստիտուտի տնօրեն Էդիտա Գզոյանը նշեց, որ թեմայի արծարծումը տարբեր գիտակարգերի կողմից, ըստ էության, առաջին անգամ է տեղի ունենում։
«Թեև մենք մեր ուսումնասիրություններում մշտապես խոսել ենք հակահայկականության և հայատյացության տարբեր դրսևորումների մասին, սակայն շատ չենք բարձրաձայնել և հիմա այս միջոցառման, աշխատաժողովների միջոցով փորձում ենք փոխել իրերի այն իրավիճակը, որն այսօր գոյություն ունի մեր գիտական հանրույթի մեջ»,-ասաց նա։
Ծրագրի ղեկավար, Հայոց ցեղասպանության թանգարան-ինստիտուտի գիտաշխատող Շուշան Խաչատրյանի կարծիքով՝ անհրաժեշտություն է զգացվում հասկանալ ինչ բառով բնութագրել կամ սահմանել երևույթը դար ի վեր մինչև արդի ժամանակաշրջանը շարունակվող բռնությունների շարքի, որոնք որոշակիորեն կապված են իրար հետ։
«Միգուցե, կարիք չկա։ Միգուցե, այս քննարկումների արդյունքում մենք այլ եզրահանգումների կգանք։ Մեր քննարկումները, կարծում եմ, այդ ամենի պատասխանները կտան։ Կփորձեն տալ, համենայնդեպս, առաջին այս փուլով»,-համոզմունք հայտնեց գաղափարի հեղինակը։
Այնուհետև նա սահիկաշարով գիտաժողովի մասնակիցներին ներկայացրեց թուրք-ադրբեջանական բռնությունների, ցեղասպանության և ցեղասպանական արարքների տարեգրությունն ու պատմական դեպքերը, որոնք ընդգրկում են 19-րդ դարի կեսերին Զեյթունի և շրջակայքի հայերի նկատմամբ իրականացված բռնություններից մինչև 2023 թվականի սեպտեմբերին ԼՂ հայաթափումն ու հայազրկումը։
Բացմանը հաջորդեցին պանելային քննարկումները։ Գիտաժողովին մասնակցում են Հայոց ցեղասպանության թանգարան-ինստիտուտի, Հայաստանի Գիտությունների ազգային ակադեմիայի հնագիտության և ազգագրության ինստիտուտի գիտաշխատողներ, բուհերի դասախոսներ։
News.am
ПОСЛЕДНИЕ ОТ АВТОРА
-
New2025-06-20 18:55Министр иностранных дел Ирана Сейед Аббас Арагчи в Женеве заявил, что вооруженные силы страны будут защищать суверенитет и территориальную целостность Ирана всеми силами и средствами.
-
New2025-06-20 18:54Сегодня в Ереване и областях задержаны 40 членов движения «Священная борьба». Об этом заявила в беседе с корреспондентом Новости Армении – NEWS.am член движения «Священная борьба» Лидия Манташян, добавив, что среди задержанных лишь мужчины.
-
New2025-06-20 18:49Депутата парламента Арцаха Давида Галстяна пригласили в полицию. Об этом написал на своей странице в Facebook адвокат Роман Ерицян.
-
New2025-06-20 18:48Иран нанес ракетный удар по Хайфе в Израиле, передает РБК со ссылкой на пресс-службы Корпуса стражей Исламской революции (КСИР).