2024-05-31 14:34
Информагентства
Ավետիք ՉԱԼԱԲՅԱՆ․ ԿԱՌԱՎԱՐՈՒԹՅԱՆ ՇԵՆՔԻ ԵՐԵԿՎԱ ԽԱՂԱՂ «ՊԱՇԱՐՈՒՄԸ» ՄԻ ՔԱՆԻ ԿԱՐԵՎՈՐ ԲԱՑԱՀԱՅՏՈՒՄՆԵՐ ԱՐԵՑ
Կառավարության շենքի երեկվա խաղաղ "պաշարումը" մի քանի կարևոր բացահայտումներ արեց: Այս մասին facebook-ի իր էջում գրել է «ՀայաՔվե» նախաձեռնության համահիմնադիր Ավետիք Չալաբյանը: Նա, մասնավորապես, նշել է.
«ա) հանրային բողոքը ճիշտ է կենտրոնացնել մեկ տեղում, մեկ հասկանալի հանրային թիրախի վրա։ Քաղաքով մեկ մինչ այդ անցկացվող անհնազանդության լոկալ ակցիաները իրականում ավելի շատ վատնում էին այդ էներգիան՝ առանց շոշափելի արդյունքի։
բ) երբ քաղաքացիները միասին են, միասնական առաջնորդությամբ, և ունեն հստակ նպատակ, շատ ավելի մոտիվացված են, արագ ինքնակազմակերպվում են, պատրաստ են ավելի երկար և համառ պայքարի, դա էլ իր հերթին բերում է հավելյալ հանրային ոգևորության և համախմբման։
Թիրախային հստակ գործողությունը իրապես բազմապատկում է քաղաքացիների էներգիան, ոգևորում է նրանց և մղում պայքարի շարունակման։
գ) ճշմարիտ խոսքը տեղ է հասնում, և ավելի ու ավելի է զինաթափում ոստիկաններին։
Կառավարության շենքը (իրականում նրա մի քանի սպառված բնակիչներին) պաշտպանող ոստիկանների մեծ մասը նույն ժողովրդից դուրս եկած տղերք են, նրանք էլ սկսում հասկանալ, որ իրենց դեմ ոչ թե օրինազանց ամբոխ է, այլ կազմակերպված քաղաքացիներ, որոնք օրինական նպատակ են հետապնդում, գործում են օրինական միջոցներով, և իրենց հետ էլ որևէ անձնական թշնամություն չունեն։
դ) Երբ ընտրում ես իշխանափոխության հասնելու խաղաղ և օրինական միջոցները, պետք է պատրաստ լինես երկարատև պայքարի, դրա սահմանների ընդլայնման ու գործիքակազմի ծավալման, դա էլ իր հերթին մեծ համառություն, ստեղծարար էներգիա, և բարձր կազմակերպում է պահանջում։ Կարևոր է նաև հստակ ռազմավարության առկայությունը, եթե նույնիսկ նրա մասին բացահայտ չի խոսվում՝ այդ դեպքում յուրաքանչյուր առանձին գործողություն տեղավորվում է միասնական տրամաբանության մեջ, և ճանապարհ է բացում դեպի հաջորդը, մինչև վերջնական հաղթանակ։
Երեկվա գործողությունը հույս է ներշնչում, որ կուտակված հանրային էներգիան կարող է այժմ հոսել ճիշտ հունով, և ի վերջո բերել ցանկալի նպատակի։ Այս ուղղությամբ գործ դեռ շատ կա անելու, բայց մինչ այդ ցանկանում եմ իմ խորին ակնածանքը հայտնել Բագրատ սրբազանին՝ այս օրերի իր հերոսական առաջնորդության, աննկուն պայքարի և անսպառ էներգիայի համար, և նաև շնորհակալություն հայտնել երեկվա և անցած ողջ շաբաթվա գործողություններին մասնակցած մեր բոլոր արժանապատիվ հայրենակիցներին՝ միասին մենք այն ուժն ենք, որը նոր էջ է բացելու մեր երկրի պատմության մեջ, և հենարան դառնա վերածնվող հայկական պետությանը»։
ПОСЛЕДНИЕ ОТ АВТОРА
-
New2025-07-18 14:14Организация "Международная христианская солидарность" (Christian Solidarity International, CSI) присоединилась к другим защитникам религиозных свобод, призвав правительство Армении прекратить гонения на Армянскую церковь. В заявлении организации и отдельные лица выражают "серьёзную обеспокоенность в связи с активизацией кампании правительства Армении против Армянской Апостольской церкви и её сторонников". Среди подписавших заявление - НПО "Коптская солидарность" и "SOS Chretiens d'Orient".
-
New2025-07-18 14:09Соединенные Штаты поддерживают усилия по содействию миру и стабильности на Южном Кавказе и следят за развитием событий на местах.
-
New2025-07-18 14:06Благотворительный фонд «Ташир» подал иск в Административный суд против мэрии города Ереван.
-
New2025-07-18 14:00Комиссия по регулированию общественных услуг получила жалобу правительства по "Электрическим сетям Армении" и уже рассматривает ее. Об этом сообщили Sputnik Армения в комиссии.