2024-06-05 09:35
Информагентства
Գեղամ ՍՏԵՓԱՆՅԱՆ․ ԱՐՑԱԽՑԻՆԵՐԻ ՆԿԱՏՄԱՄԲ ԱՏԵԼՈՒԹՅԱՆ ԽՈՍՔԸ ՕՐԵՑՕՐ ՆՈՐԱՆՈՐ ԴՐՍԵՎՈՐՈՒՄՆԵՐ Է ՍՏԱՆՈՒՄ
Արցախցիների նկատմամբ ատելության խոսքը ոչ միայն չի նվազում, այլև օրեցօր նորանոր դրսևորումներ է ստանում։ Այս մասին իր ֆեյսբուքյան էջում գրել է Արցախի ՄԻՊ Գեղամ Ստեփանյանը` ազդարարելով նոր նախաձեռնության մեկնարկի մասին:
«Սոցիալական ցանցերում և լրատվամիջոցներում արցախցիների դեմ տարածվող ատելության խոսքի մասին բավականին խոսվել է։ Այս ընթացքում հրապարակային խնդրանքները, հորդորները որևէ արդյունք չեն տվել։ Ատելության խոսքը ոչ միայն չի նվազում, այլև օրեցօր նորանոր դրսևորումներ է ստանում։
Նկարում պատկերվածը ատելության խոսքի վառ դրսևորում է, որի վերաբերյալ բազմաթիվ արցախցիներ օբյեկտիվ վրդովմունք են արտահայտել՝ պահանջելով իրավական պատասխանատվության ենթարկելու գործիքներ կիրառել։
Տեղեկացնեմ, որ այս հարցով Քաղաքական իրավունքների հայկական կենտրոնի համահիմնադիր, իրավապաշտպան Hovhannes Khudoyanը հանցագործության մասին հաղորդում է ներկայացրել ՀՀ իրավապահ մարմիններին։ Կհետևենք ընթացքին:
Դրանից զատ, ուզում նաև տեղեկացնել, որ Artak Beglaryan-ի, Նարե Սիմոնյանի և Arega Hovsepyan-ի հետ համատեղ մեկնարկում ենք նախաձեռնություն, որը նպատակ է հետապնդելու արձանագրելու արցախցիների դեմ ուղղված ատելության խոսքի դրսևորումները և իրավական ու այլ եղանակներով պայքարելու դրանց դեմ։
Այս հարցում ակնկալում ենք ձեր աջակցությունը և խնդրում ենք ատելության խոսքի դրսևորումներ նկատելու դեպքում հղումը կամ լուսանկարն ուղարկել Արցախի Մարդու իրավունքների պաշտպան / Artsakh Ombudsman ֆեյսբուքյան էջին։ Ուղարկված նյութերն ամփոփվելու են զեկույցների տեսքով և/կամ օգտագործվելու են ատելություն գեներացնողներին իրավական պատասխանատվության ենթարկելու համար։
Միաժամանակ ակնկալում ենք փաստաբանական համայնքի աջակցությունը՝ հավաքագրված նյութերի հիմքով իրավական գործընթացներ նախաձեռնելու հարցում»։
ПОСЛЕДНИЕ ОТ АВТОРА
-
2025-03-15 17:3215 марта 1921 года на улице Гарденберг в Берлине был убит один из главных организаторов Геноцида армян — министр внутренних дел Османской империи Мехмед Талаат-паша.
-
2025-03-15 15:46Постоялец из Турции, устроивший дебош в ереванской гостинице "Лондон", извинился перед ее персоналом и владельцами. Об этом написал на своей странице в facebook совладелец гостиницы Геворк Барсегян, комментируя распространившиеся с утра сведения об инциденте.
-
2025-03-15 15:45Алиев утвердил присоединение Азербайджана к Уставу «Исламской восьмерки» (D-8), сообщают азербайджанские СМИ.
-
2025-03-15 15:41Президент США Дональд Трамп в пятницу вечером подписал указ, который предписывает сократить работу еще семи государственных агентств, включая и отвечающее за работу финансируемых государством СМИ - Радио "Свобода" и "Голоса Америки".