2024-06-06 11:44
Информагентства
Կադաստրի քարտեզը համապատասխանո՞ւմ է Ալմա Աթայի հռչակագրով ՀՀ տարածքին. իշխանությունը չգիտի
ՀՀ իշխանությունները չգիտեն` արդյոք ՀՀ կադաստրի պետական կոմիտեի քարտեզը համապատասխանում է Ալմա Աթայի հռչակագրով ֆիքսված ՀՀ տարածքին։
Իրավիճակը հասկանալու համար մենք նախ հարցում ուղարկեցինք Ադրբեջանի հետ սահմանազատման հարցերով հանձնաժողովը ղեկավարող ՀՀ փոխվարչապետ Մհեր Գրիգորյանի գրասենյակ։ Մեզ հորդորեցին հարցերն ուղարկել Կադաստրի պետական կոմիտե, սակայն այնտեղ էլ պատասխան չստացանք։
«Այդ հարցադրումների վերաբերյալ տեղեկատվության տրամադրումը դուրս է Կադաստրի կոմիտեի իրավասություններից»,- պատասխանեցին կոմիտեից։
Հարցին, թե որ քարտեզների հիման վրա է կազմվել Կադաստրի էլեկտրոնային քարտեզը, մասնավորապես սահմանային հատվածների դեպքում, տեղեկացանք, որ ՀՀ կառավարության նախաձեռնությամբ ՀՀ տարածքում 1998-2005 թվականների ընթացքում իրականացվել են կադաստրային քարտեզագրման աշխատանքներ։
«Նշված աշխատանքներն իրականացվել են համապատասխան որակավորում (լիցենզիա) ունեցող իրավաբանական և ֆիզիկական անձանց միջոցով: Կադաստրային քարտեզագրման աշխատանքների համար ելակետային նյութեր են հանդիսացել անշարժ գույքի վերաբերյալ գրաֆիկական և տեքստային իրավական փաստաթղթերը, տարբեր քարտեզները, հողաշինարարական և քաղաքաշինական ծրագրային փաստաթղթերը, գլխավոր հատակագծերը, գեոդեզիական հիմքի կոորդինատների ժողովածուները», -նշված է պատասխանում։
Ինչ վերաբերում է Կադաստրի կոմիտեի էլեկտրոնային քարտեզին, ընդգծվում է, որ այն հանդիսանում է Կադաստրի կոմիտեի էլեկտրոնային ծառայությունների մատուցման հարթակի քարտեզագրական մոդուլ, որտեղ ներառված են քարտեզագրման տվյալների հիման վրա ձևավորված և ընթացիկ վարվող էլեկտրոնային կադաստրային քարտեզները:
Ավելի վաղ ՀՀ արդարադատության նախարարությունը հայտնել էր, որ Տավուշի մարզի Կիրանց գյուղում Կադաստրի կոմիտեի կողմից իրավունքների պետական գրանցումները կատարվել են ոչ ճշգրիտ տվյալների հիման վրա:
Sputnik Արմենիա
ПОСЛЕДНИЕ ОТ АВТОРА
-
New2025-06-25 17:48Первый президент Армении Левон Тер-Петросян в среду в своем доме встретился с Католикосом всех армян Гарегином II. Об этом пресс-секретарь первого президента Арман Мусинян сообщил в соцсети.
-
New2025-06-25 17:44С раннего утра были проведены обыски в резиденции архиепископа Баграта Галстаняна и в домах сторонников движения «Священная борьба». Об этом 25 июня заявил один из активистов движения, общаясь с журналистами у здания Следственного комитета Армении.
-
New2025-06-25 17:40Оппозиционное движение "Священная борьба" заявило, что власти Армении сфальсифицировали материалы, касающиеся якобы готовившегося государственного переворота.
-
New2025-06-25 17:36Парламентская фракция "Айастан" призвала граждан Армении к консолидации для предотвращения окончательного установления диктатуры в стране, отстранения и привлечения к ответственности нынешнего руководства, а также восстановления национального достоинства. Об этом говорится в заявлении фракции по поводу задержаний оппозиционеров.