Последние новости
2024-06-06 12:23

ԱՐԴՇԻՆԲԱՆԿԸ «ՍԱՆԿՏ ՊԵՏԵՐԲՈՒՐԳԻ ՊԱԼԱՏՆԵՐԸ ԵՐԵՎԱՆՈՒՄ» ՄԻՋԱԶԳԱՅԻՆ ԵՐԱԺՇՏԱԿԱՆ ՓԱՌԱՏՈՆԻ ՖԻՆԱՆՍԱԿԱՆ ԳՈՐԾԸՆԿԵՐՆ Է

0
Telegram

Արդշինբանկը «Սանկտ Պետերբուրգի պալատները Երևանում» եզակի միջազգային երաժշտական փառատոնի ֆինանսական գործընկերն է: Այն կանցկացվի ս․ թ․ հունիսի 16-ից 23-ը:

Փառատոնի ընթացքում մայրաքաղաքի գլխավոր երաժշտական հարթակներում ելույթ կունենան համաշխարհային ճանաչում ունեցող երաժիշտներ Իտալիայից, Ռուսաստանից, ինչպես նաև Հայաստանից։

Խոսելով միջոցառման մասին՝ Արդշինբանկի Վարչության նախագահ Արտակ Անանյանը նշել է. «Մենք կարևորում ենք աջակցությունը մշակույթին, դա հասարակության հետ փոխադարձ հաղորդակցության հաստատման ևս մեկ ուղի է Արդշինբանկի համար, բացի այդ, հենց մշակույթի շնորհիվ են փոխանցվում մարդկային արժեքները սերնդեսերունդ: Այսպիսով սա նպատակային ներդրում է Հայաստանի ապագայի համար»։

Պատասխանելով այն հարցին, թե ինչու է այս տարի փառատոնն անցկացվում Հայաստանում, միջոցառման գեղարվեստական ղեկավար, անվանի ջութակահար, ՌԴ վաստակավոր արտիստ Մարիա Սաֆարյանցը նշել է. «Ես միշտ ասում եմ, որ մշակույթը նման է ոսկու փոշու, որը հեշտ է տարածել, բայց դժվար է կուտակել: Հայաստանը հագեցած է դրանով, այս երկրի հողն աշխարհին տվել է երգիչների, երաժիշտների և կոմպոզիտորների մի ամբողջ սերունդ։ Ուստի մեզ համար այս փառատոնը Հայաստանում անցկացնելը մեծ իրադարձություն է և մեծ պատիվ։ Բացի այդ, Երևանի և Սանկտ Պետերբուրգի միջև դեռ վաղուց ջերմ հարաբերություններ են հաստատվել, այդ թվում՝ մշակութային ոլորտում։ Տարիների ընթացքում իրականացվել են տարբեր համատեղ նախագծեր․ սկսած Երևանի և Սանկտ Պետերբուրգի օրերը նշելու միջոցառումներից ընդհուպ մինչ թատերական հյուրախաղերի անցկացումը։ Մենք անհամբեր սպասում ենք դասական երաժշտության սիրահարների հետ մեր հանդիպմանը, և լիահույս ենք, որ հայ հանդիսատեսը կսիրի մեր փառատոնը, և ժամանակի ընթացքում այն կդառնա ավանդական»։

Նշենք, որ փառատոնի հանդիսավոր բացումը տեղի կունենա հունիսի 16-ին, Զվարթնոցի պատմամշակութային հուշարձանի տարածքում, որտեղ հանդիսատեսն ականատես կլինի վառ երաժշտական և պատմական ներկայացման՝ նվիրված Մեծ Հայքի տիրակալ Տիգրան Մեծին։ Ներկայացումը ստեղծվել է նեապոլիտանական երաժշտական գրադարանի հետ համագործակցությամբ։ Հանդիսատեսը հնարավորություն կունենա վայելելու մեծագույն կոմպոզիտորներ Վիվալդիի, Սկարլատիի, Պերգոլեզիի և Պիչինիի օպերաների եզակի երաժշտությունը հայոց թագավորի մասին:

Հունիսի 18-ին, Սպենդիարյանի անվան օպերայի և բալետի ազգային ակադեմիական թատրոնի բեմում տեղի կունենա մեծ համերգ, որը կմիավորի Ռուսաստանից ժամանած ամենաակնառու վոկալիստների՝ Մեծ, Մարիինսկի և Միխայլովսկի, ինչպես նաև Ազգային օպերայի և բալետի թատրոններից։ Համերգը նվիրված է մեծ բաս Ֆյոդոր Շալյապինին։

Փառատոնը կավարտվի հունիսի 23-ին, Արամ Խաչատրյանի անվան համերգասրահում «Հաղթողների գալա» համերգով, որի ընթացքում կհնչեն կինոերաժշտական աշխարհի գլուխգործոցներ՝ միջազգային հեղինակավոր մրցույթների դափնեկիրների կատարմամբ Ռուսաստանից և Իտալիայից:

 «Սանկտ Պետերբուրգի պալատներ» միջազգային երաժշտական փառատոնը դասական երաժշտության ամենանշանակալի փառատոններից է։ Նրա հիմնական առանձնահատկությունը Սանկտ Պետերբուրգի պալատների յուրահատուկ ինտերիերում դասական երաժշտության կենդանի հնչողությունն է։ Ավանդույթի համաձայն համերգներին մասնակցում են համաշխարհային բեմի աստղեր և լավագույն ռուս կատարողները։

Բանկը վերահսկվում է ՀՀ Կենտրոնական բանկի կողմից:

Основная тема:
Արդշինբանկ

Теги:
Արդշինբանկ

ПОСЛЕДНИЕ ОТ АВТОРА

  • АРДШИНБАНК ПРИЗНАН ЛУЧШИМ БАНКОМ АРМЕНИИ СРАЗУ В ЧЕТЫРЕХ НОМИНАЦИЯХ ПО ВЕРСИИ GLOBAL BANKING & FINANCE REVIEW
    2025-04-17 16:27

    Британский журнал Global Banking & Finance Review назвал Ардшинбанк лучшим в Армении по итогам 2025 года сразу в четырех категориях: «Лучший корпоративный банк» «Лучший банк в сфере корпоративной и социальной ответственности (КСО)» «Лучший прайвит банк» «Лучший розничный банк»

  • КНИГА 100-ЛЕТНЕГО АРМЯНСКОГО ВЕТЕРАНА
    2025-04-17 09:10

    По инициативе и при непосредственном участии Юрия Навояна, председателя организации ДИАЛОГ, в одноименной книжной серии в Москве издан сборник стихов 100-летнего ветерана Великой Отечественной войны Лачина СТЕПАНЯНА «Моё время, моя Победа».

  • Мигран АКОПЯН: ДЛЯ НАЧАЛА НУЖНО СДЕЛАТЬ ОДНУ ВЕЩЬ – НЕ БЫТЬ МАНКУРТОМ
    2025-04-16 09:58

    В Армении действует удерживаемая внешними штыками негосударственная система, своим участием в которой оппозиция легитимировала антиармянский и пожирающий армян режим, написал на своей странице в ФБ экс-депутат НС РА, кандидат исторических наук Мигран Акопян. Он убежден, что это - очевидная для всех реальность, которую надо учитывать также, как когда-то предки армян считались с реальностью оккупационной власти Кара-Коюнлу или Кызылбашей, а для начала нужно сделать одну вещь: не быть манкуртом. Публикацию полностью приводим ниже.

  • РАЗРАБОТКИ ГРИГОРЯНА - ОТ ТЕОРИИ К ПРАКТИКЕ
    2025-04-16 09:35

    Круглые года оказались главными в судьбе Самвела Григоряна, крупного ученого, члена-корреспондента АН СССР (1987) и академика РАН (2000). Родился он в марте 1930-го в с. Гиши (Мартунинский район НКАО), скончался в апреле 2015 г. в Москве. За 85 лет жизни доктор физико-математических наук исследовал различные направления в науке и оставил множество ценных работ по аэродинамике, механике сплошных сред, грунтам и горным породам, сейсмологии, материаловедении и др.

ПОСЛЕДНЕЕ ПО ТЕМЕ