2024-06-12 14:11
Информагентства
ՌԴ դեսպանություն․ Շատ ռիսկեր, որոնց բախվում է Հայաստանը, կարելի էր նվազագույնի հասցնել 2022-ին
Շատ ռիսկեր, որոնց այսօր բախվում է Հայաստանը, կարելի էր նվազագույնի հասցնել, եթե Երևանը 2022թ. համաձայներ իրականացնել Ադրբեջանի հետ սահմանին իրադրության կայունացման համալիր միջոցները ՀԱՊԿ գծով։ Այս մասին հունիսի 12-ի քննարկման ժամանակ ասել է ՀՀ-ում ՌԴ դեսպանության խորհրդական-բանագնաց Մաքսիմ Սելեզնյովը։
Նա նշել է, որ միջոցները ներառում են թե՛ ռազմատեխնիկական օգնությունը, թե՛ մոնիթորինգային առաքելությունը, թե՛ աջակցությունը հայկական սահմանապահ զորքերին։
«Ցավոք, ընտրություն կատարվեց ԵՄ քաղաքացիական առաքելության օգտին, որը չի պաշտպանում պետության սահմանները, այլ զբաղվում է հետախուզական տվյալների հավաքմամբ Ռուսաստանի և Իրանի մասին։
Չնայած Երևանում ՀԱՊԿ-ի հասցեին հնչող քննադատությանը, Ռուսաստանը համոզված է, որ Հայաստանի լիարժեք մասնակցությունն այդ կազմակերպությանը համապատասխանում է, նախ և առաջ, հայ ժողովրդի շահերին, խաղաղության և կայունության պահպանման գործոն ծառայում տարածաշրջանում»,- ավելացրել է Սելեզնյովը։
Նրա գնահատմամբ՝ Հայաստանի անդամակցությունն այդ կազմակերպությանը և կապերը Ռուսաստանի հետ ռազմական և ռազմատեխնիկական ոլորտներում դարձել են անկախ Հայաստանի առաջանցիկ զարգացման կարևոր գործոններ վերջին տասնամյակներին։
«Մենք իրապես շահագրգռված ենք, որպեսզի մեր հարևանները Հարավային Կովկասում հաստատեն ամուր և երկարաժամկեը խաղաղություն։ Ընդ որում՝ Արևմուտքի նպատակները, որտեղ այժմ հայկական ղեկավարությունը անվտանգության գծով գործընկերների ակտիվ որոնում է կատարում, կրում են արմատապես հակասական բնույթ։ Արևմուտքի խնդիրներից մեկը Եվրասիայում ինտեգրման գործընթացների խափանումն է, մեր ինտեգրացիոն գործընթացներն ասես ոսկոր լինեն նրա կոկորդում։
Հանուն իրենց նպատակներին հասնելու՝ ԱՄՆ-ը և նրա դաշնակիցները պատրաստ են ցանկացած քայլի՝ ընդհուպ մինչև ներքաղաքական և սոցիալ-տնտեսական իրավիճակի ապակայունացումը մեր սահմանների մոտ։
Արևմուտքի հիմնական շահը Ռուսաստանի ռազմավարական պարտության մասին թեզիսի առաջմղումն է, բայց դա չի լինի»,- ընդգծել է ՌԴ դեսպանության ներկայացուցիչը։
News.am
ПОСЛЕДНИЕ ОТ АВТОРА
-
New2025-03-21 09:00Сборная Армении в рамках первого стыкового матча плей-офф Лиги наций на «Республиканском» стадионе встретилась с командой Грузии и потерпела поражение со счетом 0:3.
-
New2025-03-21 08:59Лидеры Евросоюза, за исключением премьера Венгрии Виктора Орбана, заявляют, что готовы усилить давление на Россию посредством дальнейших санкций, поскольку переговоры на высшем уровне выявили географический раскол в вопросе перевооружения Европы, сообщает The Guardian.
-
New2025-03-21 08:57В Москве 20 марта состоялись политические консультации между министерствами иностранных дел Республики Армения и Российской Федерации. Делегации возглавляли замглавы МИД Армении Мнацакан Сафарян и заместитель министра ИД России Михаил Галузин. Об этом сообщает пресс-служба МИД Армении.
-
New2025-03-21 08:56Турецкая полиция применила резиновые пули и слезоточивый газ, когда демонстранты протестовали у здания мэрии Стамбула против ареста мэра Экрема Имамоглу, сообщили корреспонденты AFP с места происшествия.