2024-06-13 15:29
Информагентства
Ապօրինի քայլեր են ձեռնարկվել. Գերագույն հոգևոր խորհուրդը` ԱԺ-ի մոտ բախումների մասին
Գերագույն հոգևոր խորհրդի անդամներ խստորեն դատապարտել են Երևանում խաղաղ հավաքի մասնակիցների նկատմամբ ձեռնարկված քայլերը։ Նրանք հայտարարություն են տարածել` նշելով, որ փորձ է արվում լռեցնել հանրության շրջանում իշխանությունների նկատմամբ ձևավորված արդարացի դժգոհությունները, որոնք դրսևորվում են բողոքի և անհնազանդության խաղաղ գործողությունների միջոցով։
«Խստիվ դատապարտում ենք հունիսի 12-ին Երևանում խաղաղ հավաքի մասնակիցների նկատմամբ ձեռնարկված ակնհայտ ապօրինի քայլերը և գործադրված միջոցները, ինչի հետևանքով ցուցարարների և ոստիկանների շրջանում կան բազմաթիվ տուժածներ, այդ թվում՝ մարմնական ծանր վնասվածքներով»,- նշված է հայտարարության մեջ։
Գերագույն հոգևոր խորհուրդը կոչ է անում ՀՀ իշխանություններին զերծ մնալ բռնությունից, ատելություն և թշնամանք սերմանելու մերժելի դրսևորումներից։Հոգևորականները դիմել են նաև ցուցարարներին՝ գործել ամենայն զգոնությամբ և օրինահարգությամբ։
Խորհուրդը դատապարտում է նաև, որ իշխանության բարձրաստիճան ներկայացուցիչներն ու նրանց աջակիցները հետևողականորեն լծվել են հանրահավաքների կազմակերպման պատասխանատվությունը եկեղեցուն վերագրելու գործին՝ փորձելով արդարացնել հակաեկեղեցական իրենց կեցվածքը։
«Բոլոր ժամանակներում հայրենի իշխանությունների կոչումն ու առաքելությունն է ներհասարակական համերաշխության պահպանումը և համազգային միաբանության ձևավորումը, ինչը կենսականորեն անհրաժեշտ է հատկապես մերօրյա պայմաններում»,- շեշտվում է հայտարարության մեջ։
Հոգևորականները հավելել են՝ իշխանությունն ինքնին որևէ մեկի կամ որևէ քաղաքական ուժի համար չպետք է լինի սոսկ ձգտում, այլ առաջին հերթին՝ միջոց ժողովրդին և հայրենիքին խոհեմ, շրջահայաց ու անձնուրաց ծառայության և խաղաղ ու ապահով կյանքի կերտման։
Sputnik Արմենիա
ПОСЛЕДНИЕ ОТ АВТОРА
-
New2025-06-25 21:03Заявление Республиканской партии Армении.
-
New2025-06-25 20:57В суд направлены ходатайства о применении в отношении 16 человек меры пресечения в виде ареста. Об этом Новости Армении – NEWS.am сообщили в пресс-службе Следственного комитета Армении.
-
2025-06-25 19:48Лидер движения «Священная борьба» Баграт Галстанян и его сторонники находятся в суде.
-
2025-06-25 19:43Происходящие в данный момент в Армении процессы – это очередное проявление борьбы властей против инакомыслящих с применением инструментов правоохранительной системы.