2024-06-13 17:40
Информагентства
Սամվել Կարապետյանը երկխոսության կոչ է անում
«Տաշիր» ընկերությունների խմբի նախագահ, գործարար Սամվել Կարապետյանը Հայաստանի ներքաղաքական իրադարձությունների ֆոնին հայտարարություն է տարածել` կողմերին հորդորելով զերծ մնալ այնպիսի գործողություններից, որոնք կարող են մարդկային կյանքեր արժենալ։
«Հաշվի առնելով այս օրերին Երևանում տիրող իրավիճակը` կոչ եմ անում համապատասխան կողմերին զերծ մնալ ցանկացած հռետորաբանությունից կամ գործողություններից, որոնք կարող են հանգեցնել մարդկային զոհերի: Երկրում ստեղծված ներկայիս քաղաքական ճգնաժամի պայմաններում կարևոր է պատասխանատվություն դրսևորել, հարգանք ցուցաբերել միմյանց նկատմամբ, ձգտել երկխոսության և իրավիճակի խաղաղ հանգուցալուծման»,– ընդգծել է նա:
Գործարարը հավատում է, որ հավաքական ջանքերով հնարավոր է հաղթահարել առկա մարտահրավերը և ապահովել անվտանգություն, կայունություն երկրի բոլոր քաղաքացիների համար:
«Այսօր հաճախ ենք լսում «հայեր» և «արցախցիներ» հակադրությունը։ Հայ ժողովուրդը մեկ ամբողջություն է, ու բոլորն են անհանգստանում ընդհանուր հայրենիքում տեղի ունեցող իրադարձությունների համար։ Այսօրվա իրավիճակում վտանգավոր է ցանկացած բաժանում»,– նշել է Կարապետյանը։
Բացի այդ, նա կարևորել է եկեղեցու դերը՝ որպես ազգային արժեհամակարգի կարևորագույն ինստիտուտներից մեկը: Գործարարը շեշտել է` դարեր շարունակ եկեղեցու շնորհիվ է պահպանվել հայ ժողովրդի ինքնությունն ու միասնականությունը, նրա ֆիզիկական գոյությունը։ Հայ ժողովուրդը միշտ կանգնած է եղել եկեղեցու կողքին, և այսօր առավել քան երբևէ պետք է համախմբվել հոգևոր արժեքների շուրջ ու թույլ չտալ առճակատում, եկեղեցու և ժողովրդի տարանջատում։
Sputnik Արմենիա
ПОСЛЕДНИЕ ОТ АВТОРА
-
New2025-06-19 13:17Завершен процесс покупки нового здания для посольства Республики Армения в столице Бельгии Брюсселе. Об этом сообщил генеральный секретарь МИД Давид Карапетян.
-
New2025-06-19 13:15Иран уже более полусуток практически полностью отключен от интернета — об этом объявила организация NetBlocks, отслеживающая интернет-соединения и ситуацию с кибербезопасностью по всей всемирной сети.
-
New2025-06-19 13:13Посольство РФ оповестило россиян о дополнительных вариантах выезда из Ирана в Армению наземным путем.
-
New2025-06-19 13:1222 июня – праздник Кафедрального собора Святого Эчмиадзина. В этот день в 11:00 в Кафедральном соборе состоится Святая и Бессмертная Литургия.