Հայաստանը չի ստորագրել Ուկրաինային նվիրված համաժողովի ամփոփիչ հռչակագիրը

Հայաստանը չի ստորագրել Շվեյցարիայում անցկացված «Ուկրաինայի խաղաղության բանաձև» համաժողովի ամփոփիչ հռչակագիրը։

Նշվում է, որ Հայաստանը, Բահրեյնը, Բրազիլիան, Սուրբ Աթոռը, Հնդկաստանը, Ինդոնեզիան, Լիբիան, Մեքսիկան, Սաուդյան Արաբիան, Սլովակիան, Հարավային Աֆրիկան, Շվեյցարիան, Թաիլանդը և Արաբական Միացյալ Էմիրությունները հրաժարվել են ստորագրել Շվեյցարիայում Ուկրաինայի վերաբերյալ համաժողովի ամփոփիչ հռչակագիրը։

Փաստաթղթին աջակցել են համաժողովին մասնակցող 91 երկրից 80-ը։

Փաստաթղթում, մասնավորապես, Ռուսաստանին մեղադրում են Ուկրաինայի դեմ պատերազմի մեջ, որը հանգեցրել է «մարդկային տառապանքների և ավերածությունների»:

Հռչակագրի հիմնական դրույթներն են՝

- Բոլոր երկրները պետք է վերահաստատեն միջազգայնորեն ճանաչված սահմաններում բոլոր պետությունների տարածքային ամբողջականության և ինքնիշխանության հանձնառությունը;

- Բոլոր ռազմագերիները պետք է ազատ արձակվեն «բոլորը բոլորի դիմաց» փոխանակմամբ;

- Ուկրաինա պետք է վերադարձվեն բոլոր ձերբակալված քաղաքացիական անձինք, ինչպես նաև տեղահանված ուկրաինացի երեխաները;

- Զապորոժիեի ԱԷԿ- ը պետք է աշխատի Ուկրաինայի և ՄԱԳԱՏԷ-ի վերահսկողության ներքո, իսկ միջուկային զենքի օգտագործումն անթույլատրելի է;

- Ուկրաինան պետքէ ապահովի մուտքը Սև և Ազովի ծովերի նավահանգիստներ;

- Սննդամթերքի անվտանգությունը չպետք է օգտագործվի որպես զենք;

- Ուկրաինական գյուղատնտեսական արտադրանքը պետք է անվտանգ և ազատ մատակարարվի երրորդ երկրներին։

Խորհրդաժողովը տեղի է ունեցել շվեյցարական Բյուրգենշտոկում հունիսի 15-16-ը՝ 92 երկրների, 55 պետությունների ղեկավարների ու ութ միջազգային կազմակերպությունների ներկայացուցիչների մասնակցությամբ:

Գագաթնաժողովին մասնակցել և ելույթ են ունեցել այնպիսի երկրների ղեկավարներ, ինչպիսիք են Ֆրանսիան և Մեծ Բրիտանիան: Ռուսաստանը չի հրավիրվել, և Կրեմլում հայտարարել են, որ ուկրաինական հակամարտության քննարկումն առանց իր մասնակցության անիմաստ է:

Նշենք, որ Հայաստանի պատվիրակությունը գլխավորում էր Անվտանգության խորհրդի քարտուղար Արմեն Գրիգորյանը:

Sputnik Արմենիա