2024-06-19 16:26
Информагентства
ԿԻՐԱՆՑԵՑԻՆԵՐԸ ԿՈՐՑՐԵԼ ԵՆ ԻՐԵՆՑ ՀՈՂԵՐԸ ՄՇԱԿԵԼՈՒ ՀՆԱՐԱՎՈՐՈՒԹՅՈՒՆԸ
Կիրանցի բնակիչները կորցրել են Բերքաբերի ջրամբարի ափին գտնվող գյուղատնտեսական նշանակության հողերը մշակելու հնարավորությունը. անհանգստացած են՝ ինչպե՞ս են հավաքելու այդտեղ ցանված ցորենը: Այս մասին այսօր՝ հունիսի 19-ին, News.am-ի թղթակցի հետ զրույցում պատմում է Աճարկուտի բնակիչ Կարեն Ղազարյանը՝ նշելով, որ մոտ 15 օրից գյուղացիները պետք է հավաքեին ցորենը:
«Գյուղացիները սահմանապահներին հարցրել են՝ թե ո՞նց են գնալու իրենց հողատարածքներ, ասել են՝ չեք գնալու: Ասել են այդ տարածքները հայկական են, բայց մենք իրավունք չունենք այնտեղ գնալու: Հաղատարածքները Խեյրիմլի կոչված գյուղի հետևի մասում են գտնվում, այնտեղ տանող ճանապարհ էլ ադրբեջանցիների վերահսկողության տակ է գտնվում»,-հավելում է նա:
«45 հեկտար հողատարածք է, մարդիկ սեփականության իրավունք ունեն իրենց հողերի համար: Հիմնականում ցորեն էին ցանում էդտեղ, որովհետև շատ աշխատանք չի պահանջում. մի անգամ ցանում են, մի անգամ հնձում. Մշակելու կարիք չկա»,-ասում է Կարենը:
Անդրադառնալով Կիրանցում տիրող իրավիճակին, Կարենը պատմում է, որ դեռևս մոտ 10 գյուղացի հրաժարվում է առաջարկվող փոխհատուցումից, սակայն երևի թե, շուտով նրանք էլ կհամաձայնեն՝ այլ ելք չունեն:
«Տիկին Խանումն իր վագոն տնակը տեղափոփել է գյուղի վերևի հատված, Մհերն էլ գյուղում ապրող հարազատների տանն է ապրում, սակայն նրանք երկուսն էլ արդեն բնակարան են գնել Իջևանում,-պատմում է Կարենը՝ հիշեցնելով, որ սահմանազատման և սահմանագծման հետևանքով նրանց տները թշնամու վերահսկողության տակ էին անցել, և այսպես թե այնպես, հունիսի 24-ին ստիպված էին լքել իրենց տները:
Աճարկուտի բնակչի խոսքով, Կիրանց-Աճարկուտ այլընտրանքային ճանապարհի կառուցման աշխատանքները շարունակվում են:
«Երեկ գետի կողքին բետոնից պատնեշներ էին տեղադրում: Միջպետական ճանապարհն էլ Աճարկուտով պիտի անցնի, ըստ նախնական տվյալների, օգոստոսի 1-ին պիտի շահագործման հանձնվի: Այդ օրը Ադրնեջանը կփակի Կիրանցի կամուրջը: Հունիսի 24-ից սահմանին կանգելու են, բայց մինչև օգոստոսի 1-ը երթևեկությունը թույլատրելու են»,-ասում է Կարենը՝ նշելով, որ այդ ճանապարհով երթևեկելու միտքը վախեցնում է գյուղացիներին:
ПОСЛЕДНИЕ ОТ АВТОРА
-
New2025-07-15 07:39Адвокат Тигран Айрапетян представил в Генеральную прокуратуру Армении сообщение о преступлении, связанном с прослушиванием телефонных разговоров сотрудников компании «Электрические сети Армении» и сторонников Самвела Карапетяна сотрудниками правоохранительных органов и задержанием 11 человек на этом основании.
-
New2025-07-15 07:31В администрации президента Турции Реджепа Эрдогана заявили РИА Новости, что не в курсе сообщений о намерении США управлять Зангезурским коридором.
-
New2025-07-15 07:29Вариант, озвученный послом США в Турции Томасом Барраком, о возможной передаче участка армянской территории под управление третьей стороны, неприемлем и юридически невозможен. Об этом заявила пресс-секретарь премьер-министра Армении Назели Багдасарян, комментируя высказывания американского дипломата.
-
New2025-07-15 07:23Конфликт между Арменией и Азербайджаном вскоре будет "успешно урегулирован". Такое заявление президент США Дональд Трамп сделал на встрече с генеральным секретарем НАТО Марком Рютте.