2024-06-21 08:27
Рубен МАРГАРЯН
ՍՅՈՒՌ
Նիկոլ Փաշինյանը շրջում է Սյունիքի գյուղերով և տանջահար գյուղացիներին ցույց տալիս Ոսկեպար գյուղի մոտ փշալարերով կապած ցանկապատի ինչ-որ լուսանկար թե տեսանյութ: Ցույց է տալիս սույնը և հրճվում. իբր՝ տեսեք, այն դիրքերի փոխարեն, որոնք մենք հրամցրեցինք Ադրբեջանին, հիմա այնտեղ փշալարեր են, որոնց միջով ոչ մի կով չի սպրդի... Այն մասին, թե «կսպրդի» արդյոք փշալարերի միջով դիպուկահարի գնդակը, հրետանային արկը կամ կամիկաձե ԱՕԹՍ-ը, վարչապետը խոհեմորեն լռում է։ Բայց սյուռը դա չէ:
Անցնենք առաջ: Մինչ Փաշինյանը Սյունիքի տանջահար գյուղացիներին ցույց է տալիս Ոսկեպար գյուղի մոտի փշալարը, որի միջով կովը չի սպրդի, Ադրբեջանի ԱԳՆ-ը հանդես է գալիս զայրալից հայտարարությամբ, որում դատապարտում Է Ֆրանսիայի կողմից Հայաստանին մի քանի տասնյակ ինքնագնաց հրետանային կայանքների վաճառքը ...
Պետք չէ ռազմական փորձագետ լինել՝ հասկանալու համար, որ հայկական բանակի սպառազինության համար այդ կայանքներն առանձնակի եղանակ չեն ստեղծում։ Բայց Բաքուն ցասումով մատ է թափ տալիս՝ սպառնալով նոր ահագնացմամբ, եթե Հայաստանի զինման գործընթացը շարունակվի։ Մինչ Նիկոլը պարծենում է փշալարով, որի միջով կովը չի սպրդի։ Բայց սյուռը դեռ դա էլ չէ:
Անցնենք առաջ: Հայաստանի ԱԳՆ-ը հակադարձում է Ադրբեջանի ԱԳՆ-ին։ Հայաստանի ԱԳՆ-ը ասում է, որ Հայաստանի՝ որպես ինքնիշխան պետության, ինքնիշխան իրավունքն է զենք գնել ինքնապաշտպանության նպատակով, Ադրբեջանն իրավունք չունի խոչընդոտել, իսկ Ադրբեջանի ԱԳՆ-ի հայտարարությունը վկայում է այն մասին, որ Բաքուն նոր ագրեսիայի է պատրաստվում Հայաստանի դեմ՝ այս տարվա նոյեմբերին Բաքվում կայանալիք կլիմայի հարցերով ՄԱԿ-ի գագաթնաժողովի ավարտից հետո: Հայաստանի ԱԳՆ-ը ասում է, որ բազմաթիվ փորձագետներ այդպես են կարծում, իսկ Բաքվի դժգոհությունները հաստատում են փորձագետների կանխատեսումները։
Այսինքն մինչ Փաշինյանը Սյունիքում պարծենում է տանջահար գյուղացիների առջև, որ Ադրբեջանին հանձնված դիրքերի փոխարեն հիմա գյուղացիներին պաշտպանելու է փշալարը, որի միջով կովը չի սպրդի, ՀՀ ԱԳՆ-ը, որը ղեկավարում է Փաշինյանը, խոսում է այն մասին, որ փորձագետները Հայաստանի դեմ Ադրբեջանի նոր ագրեսիա են կանխատեսում այս տարվա նոյեմբերից հետո, Բաքվում կլիմայի հարցերով ՄԱԿ-ի գագաթնաժողովի ավարտվելուն պես։ Եվ, ընդգծում է Հայաստանի ԱԳՆ-ը, պաշտոնական Բաքվի հայտարարությունները հաստատում են դա։ Բայց սյուռը նույնիսկ սա էլ չէ:
Անցնենք առաջ: Ադրբեջանի ԱԳՆ-ը պատասխանում է Հայաստանի ԱԳՆ-ին։ Ադրբեջանի ԱԳՆ-ը հայտարարում է, թե լիակատար իրավունք ունի պահանջել Հայաստանից չզինվել, քանի որ Հայաստանը ագրեսոր է, 30 տարի օկուպանտ է եղել. դրա հաստատումն է պաշտոնական Երևանի այսօրվա դիրքորոշումը 1991թ. Ալմա-Աթայի հռչակագրի համաձայն Հայաստանի և Ադրբեջանի միջև սահմանների ճանաչման վերաբերյալ:
Իբր՝ հենց ձեր Նիկոլ Վովաևիչը, ճանաչելով սահմանների արդարությունն ըստ Ալմա-Աթայի հռչակագրի, փաստացի ընդունում է, որ Հայաստանը 30 տարի ագրեսոր և օկուպանտ է եղել, ուստի Բաքուն լիովին իրավունք ունի պահանջել Հայաստանից չզինվել, իսկ գործընթացը շարունակելու դեպքում՝ սպառնալ պատժով։
Այսինքն, կրկնենք ևս մեկ անգամ. մինչ Փաշինյանը ցույց է տալիս Սյունիքի տանջահար գյուղացիներին Երևանի արտաքին քաղաքականության նվաճումը՝ Ադրբեջանին հանձնված դիրքերի փոխարեն Ոսկեպար գյուղի մոտ անցկացրած փշալարը, որի միջով կովը չի սպրդի, Հայաստանի ԱԳՆ-ը զգուշացնում է Ադրբեջանի հնարավոր ագրեսիայի մասին, իսկ Ադրբեջանի ԱԳՆ-ը հայտարարում է պահանջելու և սպառնալու իր իրավունքի մասին, քանի որ ճանաչելով ու ընդունելով Ալմա-Աթայի հռչակագիրը՝ Նիկոլ Փաշինյանը հաստատում է, որ Հայաստանը 30 տարի ագրեսոր և օկուպանտ է եղել…
Հ.Գ.- Եվ այս մարդիկ նեղանում են, երբ իրենց անվանում են դավաճաններ ու Բաքվի քաղաքականությունն առաջ տանողներ:
Հ.Հ.Գ.- Չէ, իհարկե, մենք հիշում ենք, որ ամեն ինչում մեղավոր են «նախկինները», զինվորականները, արցախցիները, ռուսները, դաշնակները, հայ ժողովրդի գեները, Տիգրան թագավորը, ՀԱՊԿ-ը, Եկեղեցին, ներկայիս խորհրդարանական ընդդիմությունը, Սփյուռքը, Սահմանադրությունն ու խաչքարները, խաչքարները... Նիկոլ Վովայի Փաշինյանը պարզապես պատասխանատու է, բայց ոչ մի կերպ և ոչ մի բանում մեղավոր չէ:
ПОСЛЕДНИЕ ОТ АВТОРА
-
2025-05-10 17:40Закончились празднества по случаю 80-й годовщины Победы в Великой Отечественной войне народов Советского Союза против фашистской Германии. На Параде Победы в Москве присутствовали лидеры 29 государств. В том числе и премьер-министр Армении Никол Пашинян. Не было президента Азербайджана Ильхама Алиева.
-
2025-05-08 10:30Хокку Идея есть. Импичмента нет. Хочется плакать.
-
2025-05-07 14:03О знаковости выборов градоначальника Гюмри говорилось неоднократно. И в этом контексте речь шла не только о том, представители каких политических сил возьмут на себя бразды правления вторым городом республики. Не менее, если не более важным было то, что в преддверии республиканских выборов (очередных в 2026-м году или внеочередных в текущем) результаты, показанные политическими силами в Гюмри, в целом будут отражать общую картину общественных настроений. Иначе говоря, имелось в виду, что результаты предстоящих республиканских выборов немногим будут отличаться от результатов выборов в Гюмри.
-
2025-05-06 09:53Ох уж эта всемирная паутина. Все помнит, все. И напоминает. «Прошло более века, но не устранены последствия Геноцида. До сегодняшнего дня Турция не выразила никакого сожаления о содеянном, извинения не принесла. В этом причина, по которой мы сегодня заявляем: «Помним и требуем!».