Последние новости

Գլխավոր քարտուղար․ Ակնկալում ենք, որ Երևանը պաշտոնապես կհստակեցնի իր կարգավիճակը ՀԱՊԿ-ում

Հավաքական անվտանգության պայմանագրի կազմակերպությունն ակնկալում է, որ Հայաստանը պաշտոնապես կհստակեցնի կառույցում իր կարգավիճակը։ Կազմակերպության արտգործնախարարների խորհրդի նիստի շրջանակում այս մասին լրագրողներին ասել է ՀԱՊԿ գլխավոր քարտուղար Իմանգալի Տասմագամբետովը։

«Ես կարծում եմ, որ Հայաստանի քաղաքական ղեկավարությունը, այնուամենայնիվ, կպարզաբանի իրավիճակը և կլինի պաշտոնական որոշում` լինե՞լ կազմակերպության կազմում, թե՞ ոչ»,– ասել է նա։

Նշենք, որ ՀՀ վարչապետ Նիկոլ Փաշինյանը բազմիցս ասել է, որ Հայաստանը սառեցրել է իր մասնակցությունը ՀԱՊԿ–ին։

Մինչդեռ, Տասմագամբետովի խոսքով, ՀԱՊԿ-ը պահպանում է Հայաստանի առջև ստանձնած բոլոր պարտավորությունները, երկիրը մնում է կազմակերպության դաշնակիցը:

«Հայաստանը եղել է և կա մեր դաշնակիցը ՀԱՊԿ-ում, և Հայաստանի հանդեպ մեր բոլոր պարտավորությունները պահպանվում են։ Կազմակերպությանն անդամակցելու հարցը երկրի սուվերեն իրավունքն ու որոշումն է»,– ասել է նա։

Sputnik Արմենիա

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ