2024-07-01 09:44
Информагентства
0
Բագրատ Սրբազան․ Մեր երկիրը կառավարվում է չարիքի կողմից և իմ հրապարակ դուրս գալը պատահականություն չէ
Այս շարժման բուն էությունն արժեքային փոփոխությունն ու չարիքին հեռացնելն է։ Ես անընդհատ շեշտել եմ ու շեշտելու եմ` մեր երկիրը կառավարվում է չարիքի կողմից և իմ հրապարակ դուրս գալը պատահականություն չէ։ Այս մասին Սիսիանում ասել է Բագրատ Սրբազանը:
«Աստված մարգարեի միջոցով հարցրեց՝ ո՞ւմ ուղարկեմ: Ես հանձն եմ առել ասելու՝ ինձ ուղարկեք: Եվ ուզում եմ, խնդրում եմ, որ յուրաքանչյուր մարդ այդպես լսի․ ինձ ուղարկես, ես եմ այդ գործիքը, միջոցը, կամուրջը, հնարավորությունը ես եմ։ Ես առանց ակնկալիքի եմ, առանց սպասելիքների, առանց սիրվելու, հանձն առնելու բոլոր դժվարությունները, բայց միայն մեկ նպատակի համար, որ ունենամ հայրենիք ու պատիվ։ Իմ ամբողջ ցանկությունն այն է, որ ես երկրից աչքերս փակելուց զգամ, որ օրհնված եմ գնում, ոչ թե նզովված: Երանի ամեն հայ մարդու հավատամքն այդպես լինի։ Մեր ներկայությունն այստեղ չի լինելու հավիտենապես, բայց մեր ներկայությունը կարող է լինել անմահների շարքում»,-ասել է նա։
Բագրատ Սրբազանը ընդգծում է, որ եթե Տավուշում որևէ բան պատահի, նշանակում է սա վերջին մեխն է լինելու մեր պատվի ու արժապատվության դագաղի վրա։
«Այդ սահմանահանձնման, հայրենահանձնման գործընթացը տարածում են ողջ Հայաստանի վրա ու երբ մարդիկ ընդվզում են, ասելով, որ սա անընդունելի է մեզ համար, ապա դրա դիմաց ստանում են հայհոյանք, հալածանք, պախարակում, կալանք, ծեծ, ռումբ, ջարդ ու արյուն։ Սա նշանակում է, որ մեր երկրում կառավարիչները բարոյական ոչ մի արգելք չունեն»,-ասել է նա:
Բագրատ Սրբազանի խոսքով իրենց շարժման միակ թիրախը չարիքի վերացումն է. «Չարիք, որը մարմնավոր տեսքով այսօր նստած է մեր կյանքի ջուր տվող աղբյուրի վրա, որից մենք ցամաքել ենք, չորանում ենք, դրա համար էլ չենք հասկանում` ոնց ենք իրար հետ հարաբերվում, չենք հասկանում, թե իրար հետ ոնց կարելի է ջերմությամբ խոսել։
Այո, ժողովուրդ, դա վերացական բան չէ, կոնկրետ, շոշափելի է տեսքով ու հասցեով»։
News.am
ПОСЛЕДНИЕ ОТ АВТОРА
-
New2024-11-15 14:20Состоялся телефонный разговор президента России Владимира Путина с президентом Азербайджана Ильхамом Алиевым. Об этом сообщает пресс-служба Кремля.
-
New2024-11-15 14:19Иран в октябре передал администрации президента США Джо Байдена письменные заверения о том, что не предпринимал попыток покушения на жизнь экс-президента Дональда Трампа. Об этом, как передает РИА Новости, сообщает газета Wall Street Journal со ссылкой на источники среди американских чиновников.
-
New2024-11-15 14:18Грузия готова выполнить роль посредника в переговорах между Азербайджаном и Арменией, если они этого захотят. Об этом заявил премьер-министр республики Ираклий Кобахидзе в интервью Первому грузинскому каналу.
-
New2024-11-15 14:15Кандидат на должность председателя Комиссии по регулированию общественных услуг Месроп Месропян ранее заявил, что альтернативы российским энергоносителям у Армении пока нет. Об этом на заседании Национального Собрания во время обсуждения кандидатуры Месропяна заявил 15 ноября депутат от оппозиционного блока «Армения» Гарник Даниелян.