Последние новости

Աստանայում հակաահաբեկչական գործողության ռեժիմ կսահմանվի

Ղազախստանի մայրաքաղաքում հուլիսի 2-ից հակաահաբեկչական գործողության իրավական ռեժիմ է սահմանվում` կապված Շանհայի համագործակցության կազմակերպության(ՇՀԿ) առաջիկա գագաթնաժողովի հետ: Այս մասին հայտնել է հանրապետության ազգային անվտանգության կոմիտեի մամուլի ծառայությունը։

Հուլիսի 2-5-ը Ղազախստանում կանցկացվեն միջազգային կարևոր միջոցառումներ, ներառյալ ՇՀԿ անդամ պետությունների ղեկավարների խորհրդի նիստը և ՉԺՀ նախագահի պետական այցը:

«Օտարերկրյա պատվիրակություններում ընդգրկված են նաև պետությունների ղեկավարներ և միջազգային կազմակերպությունների ղեկավարներ։ Աստանայում անցկացվող միջոցառումների մասնակիցների առավելագույն անվտանգությունն ապահովելու համար, համապատասխան կառույցները միջոցներ են ձեռնարկում հակաահաբեկչական գործողության իրավական ռեժիմի շրջանակներում իրավակարգի և հասարակական անվտանգության պահպանման ուղղությամբ»,– ասված է հաղորդագրության մեջ:

Իրավական ռեժիմն ուժի մեջ է մտնելու հուլիսի2-ի ժամը 00։01-ից և ավարտվելու է հուլիսի 4-ին` ժամը 23։59-ին։ Այն տարածվելու ՇՀԿ գագաթնաժողովի ամբողջ տարածքում և բոլոր այն երթուղիներում, որոնցով երթևեկելու են հատուկ պաշտպանության տակ գտնվող անձինք։

Ակմոլինի, Կարագանդայի և Ալմաթիի շրջաններ հատուկ պաշտպանության տակ գտնվող անձանց ժամանման դեպքում ռեժիմ կսահմանվի նաև այդ շրջաններում:

Հակաահաբեկչական գործողություն իրականացնելու տարածքներում ֆիզիկական անձանց և մեքենաների շարժը սահմանափակված է լինելու։ Գագաթնաժողովի մասնակից անձանց երթուղով քաղաքային ուղևորատար տրանսպորտի երթևեկությունն արգելվելու է։

Sputnik Արմենիա

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ