2024-07-06 09:28
Информагентства
Պետականության հիմնասյուները վտանգված են. Պողոսյանն արձագանքում է Փաշինյանի հայտարարությանը
Այսօր ունենք Սահմանադրության օր, բայց չունենք սահմանադրականություն, չունենք այնպիսի իրավիճակ, ինչը սահմանված է ՀՀ Սահմանադրությամբ։ Սուրբ Աննա եկեղեցու բակում Բագրատ սրբազանի հրավիրած հավաքին հայտարարեց սահմանադրագետ Վարդան Պողոսյանը, որն, ի դեպ, 2015 թ. փոփոխված և ընդունված ՀՀ Սահմանադրության համահեղինակներից է։
Նրա խոսքով` այսօրվա Սրբազան պայքարը նաև Հայաստանի Հանրապետության Սահմանադրության համար է։
«ՀՀ Սահմանադրությունն անկախ պետականության հիմքերն է դրել ու այսօր, ցավոք, այդ պետականության հիմնասյուները վտանգված են շատ մեծ չափերով, քանի որ այսօրվա իշխանությունը, ընդհանրապես չարժեվորելով որևէ ազգային արժեք, հարցականի տակ է դնում նաև ՀՀ Սահմանադրությունն ու նրա գոյությունն այսօրվա տեսքով»,– ընդգծեց նա։
Ըստ սահմանադրագետի` ՀՀ վարչապետ Նիկոլ Փաշինյանն այսօր նորից վերահաստատեց, որ ՀՀ–ին անհրաժեշտ է նոր Սահմանադրություն` ծածկելով այն իրական շարժառիթները, որոնք դրդում են այն փոխել։
Պողոսյանը վստահ է` այսօրվա իշխանություններն ուզում են Սահմանադրությունից հանել նախաբանում հաստատագրված Անկախության մասին հռչակագրի վկայակոչումը, այսինքն` այն հիմնասյունը, որի վրա հիմնված է Հայաստանի երրորդ Հանրապետությունը։
Հիշեցնենք, որ ՀՀ վարչապետ Նիկոլ Փաշինյանն Սահմանադրության օրվա առթիվ շնորհավորական իր ուղերձում վերահաստատել է, որ երկրում մայր օրենքը պետք է փոփոխել։
Sputnik Արմենիա
ПОСЛЕДНИЕ ОТ АВТОРА
-
New2025-06-25 12:32Сотрудники СНБ Армении во время обысков у архиепископа Баграта Галстаняна вынесли из дома несколько пакетов и ящиков, предположительно, с вещдоками. Спустя некоторое время из дома вывели самого Галстаняна.
-
New2025-06-25 12:22Обыск в доме архиепископа Баграта все еще продолжается, но в какой-то момент он вышел на балкон, и когда журналисты издалека попросили объяснить, что происходит, он ответил с иронией: «Терроризмом, оказывается, занимались».
-
New2025-06-25 12:18Служба национальной безопасности Армении также подвергла приводу депутата Национального собрания Республики Арцах Давида Галстяна.
-
New2025-06-25 12:16В Армении продолжаются масштабные обыски и задержания оппозиционных активистов.