2024-07-10 17:09
Информагентства
Անդրանիկ Սիմոնյան․ Ինչպե՞ս է ապացուցվելու, որ անձն աշխատել է ԼՂ ԱԱԾ-ում
ՀՀ ազգային անվտանգության ծառայությունը հստակ գործիքակազմ ունի պարզելու համար` արդյոք անձը ծառայել է Լեռնային Ղարաբաղում ԱԱԾ–ում, թե ոչ։ ՀՀ ԱԺ պաշտպանության և անվտանգության հարցերի մշտական հանձնաժողովի արտահերթ նիստի ժամանակ այս հայտարարությունն արեց ՀՀ ազգային անվտանգության ծառայության տնօրենի տեղակալ Անդրանիկ Սիմոնյանը։
Հունիսի 27-ին հայտնել էինք, որ ՀՀ կառավարությունը հավանության արժանացրեց Լեռնային Ղարաբաղից տեղահանված և 2023 թվականի սեպտեմբերի 19-ի դրությամբ ԼՂ ԱԱԾ–ում պաշտոն զբաղեցրած անձանց ՀՀ ազգային անվտանգության մարմիններում ծառայությունը շարունակելու օրինագիծը։
«Առաջարկվող փոփոխությամբ ՀՀ ԱԱԾ թափուր պաշտոն առաջանալու դեպքում ծառայության կարող են անցնել և պաշտոնի նշանակվել նաև 2023 թվականի սեպտեմբերի 19-ի դրությամբ ԼՂ ԱԱԾ–ում պաշտոն զբաղեցրած անձինք։ Միաժամանակ հաշվի է առնվելու ԼՂ–ում նրանց ծառայության ժամանակահատվածը, զբաղեցրած պաշտոնը և կոչումը։ Նշված կարգավորումը ժամանակավոր է գործելու` մինչև 2025 թվականի հուլիսի 1-ը»,– նշեց Սիմոնյանը։
ՔՊ–ական պատգամավոր Վիլեն Գաբրիելյանն էլ հետաքրքրվեց, թե ինչպես է ապացուցվելու կամ հաստատվելու, որ դիմող անձինք ԼՂ ԱԱԾ–ի ծառայողներ են եղել, որն է լինելու իրավական հիմքը։
Սիմոնյանը վստահեցրեց` իրենք տիրապետում են ինֆորմացիային, բոլոր գործիքակազմերն էլ ունեն` պարզելու` արդյոք դիմողները պահանջում են պայմաններին, թե ոչ։
Հանձնաժողովի նախագահ, ՔՊ–ական պատգամավոր Անդրանիկ Քոչարյանն էլ նշեց, որ թափուր պաշտոններ մնալու պարագայում հնարավորություն կունենան դիմել նաև ՀՀ ԶՈւ, ՆԳՆ, ՊՊԾ աշխատակիցները և բոլոր չափանիշներին համապատասխանելու դեպքում անցնել ծառայության։
Հանձնաժողովը դրական եզրակացություն տվեց նախագծին։
Sputnik Արմենիա
ПОСЛЕДНИЕ ОТ АВТОРА
-
New2025-03-19 11:13Объявляя о согласовании текста проекта «мирного договора» с Азербайджаном, делается попытка распространить лживую пропаганду о том, что власти несут мир, но даже члены «ГД» признают, что кошмар еще впереди. Об этом пишет газета «Грапарак».
-
New2025-03-19 11:10Азербайджанцы снесли памятник погибшим в Великой Отечественной войне на оккупированных территориях села Неркин Ханд в Сюникской области Армении. Об этом сообщает в среду газета "Грапарак" со ссылкой на старосту села Хачатура Багдасаряна.
-
New2025-03-19 11:07Минобороны Армении в очередной раз опровергло сообщение Баку об обстреле азербайджанских позиций на границе.
-
New2025-03-19 11:05Оппозиционный мэр Стамбула Экрем Имамоглу задержан по делу об организации, занимающейся коррупцией и подкупом. Об этом сообщают турецкие СМИ со ссылкой на прокуратуру города.