2024-07-10 19:14
Информагентства
Իրանի նախագահը Փաշինյանին ասել է, որ Թեհրանը դեմ է միջազգային սահմանների ցանկացած փոփոխության
Իրանի ընտրված նախագահ Մասուդ Փեզեշկիանը Հայաստանի վարչապետ Նիկոլ Փաշինյանի հետ հեռախոսազրույցի ընթացքում ասել է, որ Իրանի Իսլամական Հանրապետությունը հարգում է բոլոր երկրների տարածքային ամբողջականությունը և դեմ է միջազգային սահմանների ցանկացած փոփոխության։
Ըստ մամուլի հրապարակումների՝ երեքշաբթի երեկոյան ՀՀ վարչապետ Նիկոլ Փաշինյանը նորընտիր նախագահի հետ հեռախոսազրույցում շնորհավորել է Մասուդ Պեզեշկիանին նախագահական ընտրություններում տարած հաղթանակի կապակցությամբ և նշել նրա քաղաքական գործունեության երկար ու հաջող պատմությունը։
Նա նաև ափսոսանք է հայտնել Իրանի նախկին նախագահ Էբրահիմ Ռաիսիի մահվան կապակցությամբ՝ նշելով, որ Ռաիսիի օրոք երկու երկրների հարաբերությունները լավ զարգացած են եղել։
Հույս հայտնելով, որ առաջիկայում երկու երկրների հարաբերությունները կմնան ջերմ և բարեկամական՝ Հայաստանի վարչապետը հավելել է, որ Իրանի և Հայաստանի հարաբերությունները հիմնված են ընդհանուր շահերի վրա։
Իրանի նախագահը շնորհակալություն է հայտնել Նիկոլ Փաշինյանին շնորհավորանքների համար և նշել, որ Հայաստանը կարևոր դիրք է զբաղեցնում Իրանի հարևանների շրջանում և այս երկրի հետ հարաբերությունները շատ կարևոր են Իրանի արտաքին քաղաքական համակարգի համար։
«Չնայած Հայաստանի հետ Իրանի սահմանը կարճ է, սակայն այն հույսի և խաղաղ կյանքի սահմանն է, և մեր սկզբունքային քաղաքականությունը ձեր հանդեպ անձեռնմխելի է»,- մեջբերում է լրատվամիջոցը Մասուդ Պեզեշկիանին։
Նա նաև ընդգծել է Իրանի Իսլամական Հանրապետության հավատարմությունը Հայաստանի հանդեպ ստանձնած պարտավորություններին, ինչպես նաև հարաբերություններն էլ ավելի զարգացնելու պատրաստակամությունը։
News.am
ПОСЛЕДНИЕ ОТ АВТОРА
-
New2025-03-19 06:19Конфликт на Украине "должен был завершиться еще давно", говорится в заявлении Белого дома по итогам разговора президентов России и США Владимира Путина и Дональда Трампа.
-
New2025-03-19 06:17Президент США Дональд Трамп заявил, что состоявшийся телефонный разговор с российским лидером Владимиром Путиным был "очень хорошим и продуктивным". Об этом он написал в соцсети Truth Social.
-
New2025-03-19 06:15Скончался армянский актер и телеведущий Ара Дехтрикян, сообщил ArmLur.am. По данным сайта, Дехтрикян долгое время боролся с онкологическим заболеванием.
-
New2025-03-19 06:11Президенты России и США Владимир Путин и Дональд Трамп провели во вторник телефонные переговоры.