Բագրատ Սրբազան․ Սա իմ պայքարն է նեռի և սատանայի դեմ (ՏԵՍԱՆՅՈՒԹ)

Մենք առաջ ենք գնում և առաջ են գնալու, ուղղակի մի քիչ ոլորաններով է ճանապարհը, սակայն մեր թիրախը մեկն է՝ բոլոր հնարավոր տարբերակներով հասնել այս մարդու հեռացմանը։ Այս մասին հուլիսի 14-ին, Աբովյանում քաղաքացիների հետ հանդիպմանն ասել է «Տավուշը հանուն հայրենիքի» շարժման առաջնորդ Բագրատ Սրբազանը:

«Սա իմ պայքարն է նեռի և սատանայի դեմ, որը մեր երկրում մարմնավորված նստած է կառավարության համար 1 շենքում։ Մենք եկել ենք հաշտության, սիրո, պատվի, արժանապատվության օրակարգով։ Ատելությունը, թշնամանքը վերացնելու, հայրենիք վերականգնելու, հայրենիք վերադարձնելու, ինքնության ունենալու, ազգերի շարքերի մեջ գլուխներս բարձր քայլելու օրակարգով»,- ասել է նա։

Սրբազանի խոսքով, պայքարը մաքրվում է, ինչը շատ լավ է․«Երևի Աստված այսպես է ուզում, որ հաղթանակի վերջնարդյունքին նեղ դռներով հասնենք, ոչ թե լայն դռներով»:

Բագրատ Սրբազանը հայտնեց, որ իշխանության ներկայացուցիչները պարբերաբար գուշակների են հրավիրում իրենց տուն. «Միգուցե նաև Հայաստանից էլ չեն, բայց դրանք հետագայում, կիմանանք, ու այն, ինչ ասում եմ` ճշմարտություն է, հավաստի է: Իրենք էլ գիտեն, դրա համար խառնված են իրար ամուսիններով, դրա համար զոռով հանում, ուղարկում են հեծանիվ քշելու, հանում ուղարկում են մարզեր` շրջագայելու»:

News.am