2024-07-16 11:22
Информагентства
«Ռուսաստանի փոստը» փորձարկել է Հյուսիսային Օսեթիայով Հայաստան բեռների առաքումը
«Ռուսաստանի փոստը» խոշորագույն մարկետփլեյսներից մեկի հետ համագործակցությամբ վերջերս փորձարկել է Հյուսիսային Օսեթիայով դեպի Հայաստան փոստի ցամաքային փոխադրումը: Ինչպես հաղորդում է ՏԱՍՍ-ը, այս մասին Կովկասյան ներդրումային համաժողովում հայտնել է պետական ընկերության ղեկավարի տեղակալ Ալան Կոզոնովը:
Նա նշել է, որ «Ռուսաստանի փոստը» ակնկալում է բեռների կանոնավոր տարանցում Հարավային Կովկասի երկրներ: Կոզոնովը պարզաբանել է, որ Հյուսիսային Օսեթիա-Ալանիայի լոգիստիկ հնարավորությունները փոստն ընդլայնում է անդրսահմանային բեռնափոխադրումների աճի հետ կապված: Նրա խոսքով՝ մի քանի շաբաթ առաջ խոշորագույն մարկետփլեյսներից մեկի հետ համագործակցության ընթացքում իրականացվել է դեպի Հայաստան փոստային բեռների փորձնական փոխադրում «Վերին Լարս» մաքսային անցակետով:
«Այժմ մենք վերացնում ենք այդ նախագծի խոչընդոտները։ Հուսով ենք, որ մոտ ժամանակներս Հյուսիսային Օսեթիայով տարանցումը դեպի Անդրկովկասի հանրապետություններ կդառնականոնավոր։ Փոստն»ընդհանուր առմամբ ակտիվորեն իրականացնում է իր գործող նախագծերը Կովկասում», – նշել է պետական ընկերության ներկայացուցիչը։
Նշենք, որ ռուսական փոստային օպերատորի կայքի վերջին տվյալների համաձայն՝ Ռուսաստանից ավիատրանսպորտով առաքումները գործում են դեպի Հայաստան, Ադրբեջան և Վրաստան, այն տևում է 15-30 օր: Ցամաքային առաքումն իրականացվում է Աբխազիա (20-30 օր) և Հարավային Օսեթիա (15-30 օր):
Sputnik Արմենիա
ПОСЛЕДНИЕ ОТ АВТОРА
-
2025-03-20 20:21Россия обеспокоена сообщениями о росте напряженности на армяно-азербайджанской границе, заявила на брифинге официальный представитель МИД РФ Мария Захарова.
-
2025-03-20 19:29Москва оперативно запросила у Еревана информацию касательно публикаций в СМИ о переброске Пентагоном техники в Армению, сказала на брифинге официальный представитель МИД РФ Мария Захарова.
-
2025-03-20 19:27Консультации экспертов РФ и США состоятся 24 марта в Эр-Рияде. Об этом журналистам сообщил помощник президента РФ по международным делам Юрий Ушаков, сообщает ТАСС.
-
2025-03-20 19:25Вступление Армении в Евросоюз будет означать для нее необходимость присоединиться к антироссийским санкциям и поставкам оружия Украине, предупредил секретарь Совета безопасности РФ Сергей Шойгу.