Последние новости

Հայաստանում ՌԴ առևտրային ներկայացուցիչ․ Մոսկվան մնում է Երևանի գլխավոր առևտրային գործընկերը

Երևանը Մոսկվայի հետ հարաբերությունների սառեցման ֆոնին շարունակում է շահ ստանալ ինտեգրացիոն նախագծերին մասնակցությունից, որոնցում ներկա է Մոսկվան, իսկ Ռուսաստանը շարունակում է մնալ Հայաստանի գլխավոր առևտրային գործընկերը, «Իզվեստիային» տեղեկացրել է Հայաստանում ՌԴ առևտրային ներկայացուցիչ Աննա Դոնչենկոն։

«Համամասնական հարաբերակցությամբ Հայաստանը միության անդամ պետությունների մեջ ստանում է ամենից շատ օգուտ եվրասիական ինտեգրումից։ Հանրապետության տնտեսության 35 տոկոսը, Հայաստանի և Եվրասիական տնտեսական հանձնաժողովի վիճակագրական կոմիտեների տվյալներով, «իրականացվում» է ի հաշիվ ԵԱՏՄ-ի»,- ասել է Աննա Դոնչենկոն։

Ռուսաստանը, չնայած քաղաքական անհամաձայնություններին, մնում է Հայաստանի ամենախոշոր արտաքին առևտրային գործընկերը, ավելացրել է նա։ 2023թ. երկրների միջև ապրանքաշրջանառությունը գերազանցել է 7 մլրդ դոլարը։ Երևանի խոշոր առևտրային գործընկերների եռյակում են նաև ԱՄԷ-ն և Չինաստանը։ Եվրամիության բոլոր երկրների հետ առևտրային գործողությունները 2023թ. հասել են 7,6 մլրդ դոլարի, ինչը համադրելի է Ռուսաստանի հետ արտահանման-ներմուծման գործողություններին։

News.am

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ