Последние новости

Հայաստանի և Թուրքիայի հատուկ ներկայացուցիչները կհանդիպեն հուլիսի 30-ին

Հայաստանի և Թուրքիայի հատուկ ներկայացուցիչները` Ռուբեն Ռուբինյանն ու Սերդար Քըլըչը, վաղը` հուլիսի 30-ին, կհանդիպեն հայ–թուրքական սահմանին։ Տեղեկությունը հայտնում է թուրք հաղորդավարուհի Սենա Ալկանը:

«Հայաստանի և Թուրքիայի հատուկ ներկայացուցիչները թուրք - հայկական սահմանին կանցկացնեն բանակցությունների 5-րդ փուլը»,– X սոցցանցում գրել է թուրք հաղորդավարուհին։

Ըստ նրա` հանդիպումը կկայանա առավոտյան հայկական կողմում, ցերեկը՝ թուրքական:

Ռուբինյանի և Քըլըչի հանդիպումը նախատեսված էր դեռևս հուլիսի 3-ին, սակայն հետո թուրքական կողմը հրաժարվեց դրանից։

ՀՀ ԱԳՆ–ն ավելի ուշ հաստատեց, որ հուլիսի 30-ին Հայաստան-Թուրքիա սահմանին տեղի կունենա հատուկ ներկայացուցիչների 5-րդ հանդիպումը:

Sputnik Արմենիա

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ