2024-07-30 08:50
Информагентства
Պուտինը հրամանագիր է ստորագրել Ռուսաստանի և Բելառուսի միացյալ էներգաշուկայի ստեղծման մասին
Ռուսաստանի նախագահ Վլադիմիր Պուտինը կարգադրություն Է ստորագրել, որով հավանություն է տրվում Ռուսաստանի և Բելառուսի Միութենական պետության միասնական էներգետիկ շուկայի ձևավորման մասին պայմանագրին: Բարձրագույն մակարդակով համաձայնագրի ստորագրում նախատեսող փաստաթուղթը հրապարակվել է իրավական տեղեկատվության պորտալում, փոխանցում է ՏԱՍՍ-ը։
«Ընդունել պայմանագիրը ստորագրելու Ռուսաստանի Դաշնության կառավարության առաջարկը,-ասվում է կարգադրության մեջ։ -Նպատակահարմար համարել սույն կարգադրությամբ նախատեսված պայմանագրի ստորագրումը բարձրագույն մակարդակով»:
Բանակցությունների վարումը հանձնարարվել է Ռուսաստանի Էներգետիկայի նախարարությանը։ Գերատեսչությունն օժտվել է նաև ԱԳՆ-ի հետ համաձայնեցմամբ ոչ ստանդարտ փոփոխություններ կատարելու իրավունքով։
Ընդհանուր էներգետիկ շուկան Մոսկվայի և Մինսկի հարաբերությունների սկզբունքային հարցերից մեկն է։ Դրա ձևավորումը քննարկվել է, մասնավորապես, այս տարվա մայիսին ՌԴ նախագահ Վլադիմիր Պուտինի՝ Բելառուս կատարած այցի ընթացքում։ Ի սկզբանե, ընդհանուր էներգաշուկայի գործարկումը նախատեսված էր 2024 թվականի սկզբին, սակայն, ինչպես նշել Է Պուտինը, Մոսկվայի և Մինսկի միջև առկա էին որոշ տարաձայնություններ։
ՌԴ էներգետիկայի նախարարությունը հայտնել է, որ նախագիծը պատրաստ է լիազորների միջոցով էլեկտրաէներգիայի առուվաճառքի աշխատանքների առաջին փուլին: Երկրորդ փուլում նախատեսվում է էլեկտրաէներգետիկայի ոլորտում ավելի խորը ինտեգրում՝ գործընթացների միասնական կարգավարական կառավարման կազմակերպում և գազի արժեքի հավասարեցում։ Հետագայում նախատեսվում է սինխրոնացնել այդ նախագիծը ԵՏՄ էլեկտրաէներգիայի ընդհանուր շուկայի աշխատանքի հետ։
Բելառուսական կողմը պայմանագրի նախագծին հավանություն է տվել 2023 թվականի նոյեմբերի վերջին։ ՌԴ կառավարությունը հուլիսին հաստատել է համաձայնագրի սկզբունքային տեքստը, ընդ որում, ինչպես նշել է ՌԴ Էներգետիկայի նախարարությունը, ներպետական բոլոր ընթացակարգերն արդեն ավարտվել են, և փաստաթուղթը պատրաստ է նախագահների ստորագրմանը:
Sputnik Արմենիա
ПОСЛЕДНИЕ ОТ АВТОРА
-
New2025-03-18 13:01Интервью с юристом с Сирануш Саакян, представляющей в ЕСПЧ интересы удерживаемых в Азербайджане армянских военнопленных.
-
New2025-03-18 12:57Центробанк Армении оставил ключевую ставку на уровне 6,75%. Решение об этом было принято на сегодняшнем заседании совета ЦБ.
-
New2025-03-18 12:55По инициативе фракции «Мать Армения» в Совете старейшин Еревана в повестку Совета старейшин столицы представлен проект, предлагающий новые пакеты билетов и тарифы за проезд в транспорте.
-
New2025-03-18 12:54Из 30 вырубленных в ереванском ботаническом саду деревьев порядка 20 были вырублены осенью 2024 года, а остальные – несколько лет назад. Такое заявление распространила дирекция Ереванского ботанического сада в ответ на публикации в соцсетях.