2024-07-30 19:16
Информагентства
ԿԲ նախագահ․ Հնդկաստանից Հայաստան եկածների 25 տոկոսն արդեն մեկնել է երկրից
Հայաստան եկած աշխատանքային միգրանտների մի մասը ՀՀ–ից արդեն հեռանում է կամ հեռացել է։ Այս մասին լրագրողների հետ հանդիպմանն ասաց ՀՀ Կենտրոնական բանկի նախագահ Մարտին Գալստյանը։
Նրա խոսքով` դա վերաբերում է ոչ միայն բարձր, այլև ցածր որակավորում ունեցող մասնագետներին։
«Օրինակ` անցած տավա սկզբից Հնդկաստանից Հայաստան եկածների մոտ 25 տոկոսն արդեն մեր երկրում չեն։ Պիկի ժամանակ ՀՀ–ում կար 17 հազար հնդիկ, այս պահի դրությամբ նրանք 11 հազար են»,– նշեց Գալստյանը։
ԿԲ նախագահի դիտարկմամբ` նաև այս արտաքին պահանջարկի թուլացմամբ է պայմանավորված այն, որ մեր երկրում, կոշտ գներով արտահայտված, ծառայությունների գնաճն ու գնաճային սպասումները գնալով սկսում են նվազել։
Ծառայությունների գնաճի նվազումը, ըստ նրա, պայմանավորված է նաև նրանով, որ Հայաստանում ներգնա տուրիզմի թվերն ավելի ցածր են, քան նախորդ տարվա ընթացքում. ըստ պաշտոնական թվերի` մի զբոսաշրջիկի հաշվով իրականացվող ծախսերը ևս նվազել են։
Ինչ վերաբերում է տնտեսական ակտիվությանը, ապա Գալստյանի վստահեցմամբ` դրա բարձր մակարդակը ՀՀ–ում պահպանվել է 2024 թ. 1–ին կիսամյակում, ինչը հիմնականում պայմանավորված է եղել շինարարության, առևտրի ու արդյունաբերության ճյուղերի զգալի աճով։
Անդրադառնալով աշխատաշուկային` նա տեղեկացրեց, որ այս ոլորտում կա աշխատավարձերի աճի տեմպի դանդաղում։
Sputnik Արմենիա
ПОСЛЕДНИЕ ОТ АВТОРА
-
New2025-03-19 05:59Комиссия по предотвращению коррупции возбудила производство в отношении главы общины Эчмиадзин Дианы Гаспарян. Соответствующее решение опубликовано на сайте комиссии.
-
New2025-03-19 05:56Подача российского газа в Армению через Грузию восстановлена, сообщает компания «Газпром-Армения».
-
New2025-03-19 05:53Гала-концерт к 100-летнему юбилею мировой легенды шансона, посла Армении в ЮНЕСКО Шарля Азнавура пройдет 25 марта в штаб-квартире ЮНЕСКО в Париже.
-
2025-03-18 19:40В возрасте 92 лет скончался Бедрос Киркоров – народный артист России, отец "короля" российской эстрады" Филиппа Киркорова. О смерти сообщил в соцсетях его сын Филипп Киркоров.