2024-08-16 15:10
Информагентства
«Բռնակցվել» տերմինը կփոխվի. ԿԳՄՍՆ-ն` Հայոց պատմության դասագրքի սկանդալի մասին
Հանրակրթական դպրոցների «Հայոց պատմության» 8-րդ դասարանի հաստատված նոր դասագրքում 1828 թվականին Արևելյան Հայաստանի միացումը Ռուսական կայսրությանը որպես «բռնակցում» ներկայացնելու հատվածն առաջիկայում կփոփոխվի։ Տեղեկությունը հայտնում է ՀՀ կրթության, գիտության, մշակույթի և սպորտի նախարարությունը` պատասխանելով Sputnik Արմենիայի գրավոր հարցմանը։
Ավելի վաղ տեղեկացրել էինք, որ ԴՇՀ պետական հարթակում տեղադրված դասագրքի 6.1 գլուխը վերնագրված է «Արևելյան Հայաստանի բռնակցումը Ռուսաստանին»: Sputnik Արմենիան այս թեմայով դիմել էր ԿԳՄՍ նախարարություն։ Գերատեսչությունից սկզբում պարզաբանումներ չէին տվել, խնդրել էին գրավոր հարցում ուղարկել` նշելով, որ եթե դասագիրքն արդեն ԴՇՀ հարթակում է, ուրեմն ստացել է մասնագիտական դրական եզրակացություն։ Սա նշանակում էր, որ սեպտեմբերից դպրոցական սեղաններին կլիներ դասագիրք, որում Թուրքմենչայի պայմանագիրը (ստորագրվել է 1826-1828թթ. ռուս-պարսկական պատերազմից հետո) ներկայացված էր լինելու որպես Ռուսական կայսրության կողմից օկուպացիա։
«Դասագրքի նշված վերնագրի ձևակերպման վերաբերյալ հեղինակների կողմից ներկայացվել է խմբագրման առաջարկ, և ըստ այդմ՝ առաջիկայում կիրականացվի փոփոխություն»,–հայտնում են նախարարությունից։
ԿԳՄՍՆ–ից նաև նշել են, որ «Հայոց պատմություն 8» դասագիրքը ԿԳՄՍ նախարարի` 2022 թ. հունիսի 9-ի հրամանով ուղարկվել է կրկնակի փորձաքննության, քանի որ չի համապատասխանել հանրակրթական առարկաների դասագրքերի ստեղծման դրամաշնորհային մրցութային հանձնաժողովի կողմից հաստատված գնահատման սանդղակին։
«Կրկնակի փորձաքննության արդյունքների հիման վրա դասագիրքը համապատասխանել էր չափորոշչի պահանջներին, սակայն գիտականության վերաբերյալ ներկայացվել էին դիտարկումներ, որոնք լրամշակելու նպատակով ներկայացվել էր հեղինակին: Այնուհետ լրամշակված դասագիրքը կրկին ներկայացվել էր փորձաքննության, որի արդյունքում այն հաղթահարել է գնահատման համար սահմանված անցողիկ շեմը»,– ասված է գերատեսչության պատասխանում։
ԿԳՄՍՆ–ից նշել են, որ դասագրքերի ստեղծման մրցույթի ընթացքում ներկայացված ուսումնական նյութերի փորձաքննության փուլերը հաղթահարած ուսումնական նյութերը հրապարակվում են ԴՇՀ պետական հարթակում՝ հնարավորություն տալով տվյալ առարկայի ուսուցիչներին հրապարակման օրվանից հաշված 14 աշխատանքային օրվա ընթացքում ուսումնական նյութի վերաբերյալ կարծիք ներկայացնելու: Վերոնշյալ ժամկետի ավարտից հետո հավաքագրված կարծիքների հիման վրա հնարավորություն կտրվի հեղինակին իրականացնել շտկումներ` ըստ անհրաժեշտության:
ՀԻշեցնենք` երեկ` օգոստոսի 15-ին, դասագրքի տվյալ գլխի վերաբերյալ հայտարարություն էր տարածել ՌԴ արտգործնախարարությունը` ընդգծելով, որ գրքում խեղաթյուրվում են 18–րդ դարի վերջի և 19-րդ դարի սկզբի իրադարձությունները:
Հայաստանում ՌԴ դեսպան Սերգեյ Կոպիրկինն այսօր հայտարարեց, որ ՀՀ-ում ՌԴ դեսպանությունն առայժմ հայաստանյան պատասխանատու գերատեսչությունների հետ չի քննարկել 8-րդ դասարանի պատմության դասագրքի հարցը։
ПОСЛЕДНИЕ ОТ АВТОРА
-
New2025-06-22 10:04Система наблюдения NASA зафиксировала мощный выброс тепла в районе иранского ядерного объекта у Фордо незадолго до объявления США об авиаударе. Об этом сообщает газета The New York Times.
-
New2025-06-22 10:02США готовы в случае необходимости в течение считаных минут уничтожать дополнительные цели в Иране. Об этом заявил американский лидер Дональд Трамп, выступая в Белом доме с телеобращением к согражданам в связи с нанесением ударов по Ирану.
-
New2025-06-22 09:59Иран не намерен останавливать развитие ядерной промышленности после ударов по ряду ядерных объектов в исламской республике, ожидает, что международное сообщество осудит эти удары, говорится в заявлении Организации по атомной энергии Ирана (ОАЭИ).
-
New2025-06-22 09:57США при ударах по ключевому ядерному объекту Ирана в Фордо, который находится глубоко под землей, использовали шесть противобункерных бомб GBU-57, которые были сброшены с бомбардировщиков B-2, сообщает Fox News со ссылкой на свои источники.