2024-08-21 13:54
Информагентства
Ի՞նչ իրավիճակ է ՀՀ–ում վարակիչ հիվանդությունների մասով. պարզաբանում է մասնագետը
Հայաստանում նախորդ տարվա համեմատ այս պահին վարակիչ մի շարք հիվանդությունների մասով աճ է նկատվում։ Այս մասին ասուլիսի ժամանակ ասաց ՀՀ ԱՆ Հիվանդությունների վերահսկման և կանխարգելման ազգային կենտրոնի (ՀՎԿԱԿ) գլխավոր տնօրեն Ստեփան Աթոյանը` անդրադառնալով Հայաստանում վարակիչ հիվանդություններին։
«Նախորդ տարվա համեմատ կարմրուկի աճ է նկատվում։ 2023 թվականի ընթացքում գրանցվել էր 545 դեպք, իսկ այս տարի մինչև օգոստոսի 20–ը արձանագրվել է 547 դեպք։ Մեծ աշխատանքներ են տարվում ՀՎԿԱԿ–ի, նախարարության և այլ գործընկերների կողմից, հիշեցնում ենք նաև պատվաստումների մասին։ Նախորդ տարվա համեմատ կարմրուկի դեմ այս տարի ավելի շատ մարդ է պատվաստվել, ունենք մոտ մոտ 1.8 տոկոս իջեցում։ Այս տարի նաև կապույտ հազի բարձրացում ունենք, իսկ նախորդ նման իրավիճակը եղել է 2017-2018 թվականներին։ Գումարային` այդ ընթացքում 237 դեպք է գրանցվել, իսկ 2023 թվականին` 50, իսկ այս տարվա ընթացքում` 98 դեպք։ Ճնշող մեծամասնությունը նախադպրոցական տարիքի երեխաներն են»,– ասաց Աթոյանը։
Սուր շնչառական վարակների մասով նույնպես նա շեշտեց` այստեղ էլ նախորդ տարվա համեմատ բարձրացում է նկատվում։
Անդրադառնալով կապիկի ծաղիկ հիվանդությանը` Աթոյանը նշեց` մեր տարածաշրջանում դրանով վարակման ռիսկը ցածր է։ Այս հիվանդության վարակը փոխանցվում է սեռական ճանապարհով, հիվանդ կենդանու մորթի, կամ դրա միսն ուտելու ժամանակ։ Այս հիվանդությունով վարակման ռիսկի գոտի են համարվում աֆրիկյան երկրները` Կոնգոն, Ուգանդան, Ռուանդան։
Այս տարի Հայաստանում քութեշ հիվանդության ակտիվացում նույնպես արձանագրվել է։ Այն բակտերիալ հիվանդություն է, վիրուսային չէ, հիմնականում հայտնաբերվում է դպրոցական տարիքի անձանց մոտ։
Աթոյանը վստահեցրեց` Հայաստանում այս հիվանդության մասով իրավիճակը կայուն է։
Sputnik Արմենիա
ПОСЛЕДНИЕ ОТ АВТОРА
-
2025-06-23 19:56Главы патриархатов и предводители церквей Иерусалима решительно осудили теракт в православной церкви Св. Ильи в Дамаске, выразили поддержку верующим, подтвердили солидарность с патриархом Антиохийским Иоанном X (храм принадлежит указанному патриархату).
-
2025-06-23 19:54Армения и Грузия договорились о правилах транзита армянского коньяка через территорию Грузии в третьи страны. Об этом сообщил в соцсети министр экономики Армении Геворк Папоян по итогам визита армянской делегации в Тбилиси.
-
2025-06-23 19:52Решением премьер-министра Никола Пашиняна от 23 июня Ваан Акопян освобожден от должности таможенного атташе посольства Республики Армения в Российской Федерации.
-
2025-06-23 19:51Высший судебный совет (ВСС) отклонил ходатайство министра юстиции Србуи Галян о привлечении к дисциплинарной ответственности трёх судей. Об этом сообщает пресс-служба ВСС.