2024-08-26 08:59
Информагентства
Բաքուն արգելել է Ադրբեջանի դեմ քվեարկած ԵԽԽՎ պատգամավորների մուտքը երկիր
Ադրբեջանն արգելել է Եվրոպայի խորհրդի խորհրդարանական վեհաժողովի (ԵԽԽՎ) պատգամավորների մուտքը երկիր, որոնք կողմ էին քվեարկել կառույցում իր պատվիրակության լիազորությունների դադարեցմանը:
«ԵԽԽՎ-ում ադրբեջանական պատվիրակությանը դեմ քվեարկած անձինք ընդգրկվել են անցանկալի անձանց ցուցակում։ Եթե մինչև ԵԽԽՎ-ում մեր պատվիրակության մանդատի վերականգնումը գան Ադրբեջան, նրանց չի թույլատրվի մուտք գործել երկրի տարածք»,-ասվում է Ադրբեջանի ԱԳՆ մամուլի ծառայության ղեկավար Այխան Հաջիզադեի հայտարարության մեջ:
ԱԳՆ–ն այսպես է արձագանքել ԵԽԽՎ-ում Գերմանիայի պատվիրակության ղեկավար Ֆրանկ Շվաբեի քննադատությունը։ Վերջինս Բաքվին մեղադրելով Եվրոպայի խորհրդի անդամ մնալ չցանկանալու մեջ՝ դրա հետ մեկտեղ մտադրություն էր հայտնել մասնակցելու նոյեմբերին Ադրբեջանում կայանալիք COP29 կլիմայական հարցերով միջազգային համաժողովին:
Հաջիզադեի խոսքով` Շվաբեին քաջ հայտնի է, որ ԵԽԽՎ ներկայացուցիչներին խորհրդարանական ընտրություններին (սեպտեմբերի 1 – խմբ․) չհրավիրելու միակ պատճառն այն է, որ չնայած քաղաքական մակարդակով Ադրբեջանին տրված խոստումներին (այդ թվում ՝ Գերմանիայի պաշտոնատար անձանց կողմից), ադրբեջանական պատվիրակության մանդատը մինչ օրս չի վերականգնվել:
«Ադրբեջանա-ռուսական հարաբերությունների վերաբերյալ մտահոգություն հայտնելիս տեղին կլիներ, որ Շվաբեն խոսեր Գերմանիայի և ԵԽԽՎ-ի այն գործիչների մասին, որոնք նույնիսկ այսօր սերտորեն համագործակցում են Ռուսաստանի և, մասնավորապես, ռուսական «Գազպրոմի» հետ», - հավելել է Հաջիզադեն:
Ադրբեջանի ԱԳՆ ներկայացուցիչն ընդգծել է, որ իր երկիրը հավատարիմ է միջազգային մակարդակով ստանձնած պարտավորություններին, սակայն այդ պարտավորությունները չեն կարող իրականացվել երկակի ստանդարտների հիման վրա։
Հիշեցնենք` ԵԽԽՎ-ն հունվարի 24-ին հրաժարվել է վավերացնել ադրբեջանական պատվիրակության լիազորությունները, ինչը նշանակում է պատվիրակության առնվազն 1 տարով հեռացում կազմակերպությունից: Այս ընթացքում այն կարող է վերադառնալ միայն այն դեպքում, եթե կատարի իր նորմատիվ պարտավորությունները: Իր որոշման մեջ ԵԽԽՎ-ն հղում է անում Լեռնային Ղարաբաղի և Լաչինի միջանցքի վերաբերյալ ավելի վաղ ընդունված բանաձևերին, որոնք անտեսվել են Ադրբեջանի կողմից:
Sputnik Արմենիա
ПОСЛЕДНИЕ ОТ АВТОРА
-
New2025-06-17 08:02В Армению в январе-мае 2025 года прибыли 691 882 туриста, что на 73 562 человека меньше, чем за аналогичный период 2024 года. Это следует из данных, обнародованных Комитетом по туризму Армении.
-
New2025-06-17 07:59На фоне обострения напряженности между Израилем и Ираном Индия начала эвакуацию своих граждан из зон повышенного риска в Иране и активно рассматривает варианты эвакуации через территорию Армении. Об этом пишет The New Indian Express.
-
New2025-06-17 07:56Президент США Дональд Трамп заявил, что в текущей эскалации между Израилем и Ираном преимущество на стороне Израиля. По его словам, Тегеран "не побеждает в этой войне", и единственным выходом из конфликта является начало немедленных переговоров. Такое заявление он сделал во время встречи с премьер-министром Канады Марком Карни на полях саммита G7. Его слова приводит РИА Новости.
-
New2025-06-17 07:55В июне 2025 года 78 из 80 партий срезанных цветов, поставленных из Армении в Россию, не прошли карантинный фитосанитарный контроль в местах назначения. Об этом сообщает Россельхознадзор на своем официальном сайте.