2024-08-26 14:57
Информагентства
ՌԴ ԱՀԾ․ ԱՄՆ-ն գունավոր հեղափոխություն է նախապատրաստում Վրաստանում
ԱՄՆ-ն պատրաստվում է «թբիլիսյան մայդան» կազմակերպել՝ կանխելու «Վրացական երազանք» կուսակցության հաղթանակը հոկտեմբերի ընտրություններում։ «Արմենպրես»-ի փոխանցմամբ, այդ մասին հաղորդում է ՏԱՍՍ-ը՝ վկայակոչելով Ռուսաստանի արտաքին հետախուզության ծառայության (ԱՀԾ) հաղորդագրությունը։
Հաղորդագրության մեջ նշվում է, որ Սպիտակ տանը «չափազանց դժգոհ են Վրաստանում իրավիճակի զարգացումից» հոկտեմբերի 26-ին երկրում կայանալիք խորհրդարանական ընտրությունների նախաշեմին:
«Ամերիկացիները գունավոր հեղափոխություն են պատրաստում Վրաստանում, - նշել են ԱՀԾ-ում: - «Թբիլիսյան մայդանում» պլանավորվում է հրապարակել քվեարկության ժամանակ «ընտրակեղծիքների ապացույցներ», հայտարարել ընտրությունների արդյունքները չճանաչելու մասին և պահանջել իշխանափոխություն։ Իրավապահ մարմիններին կհրահրեն բռնի ուժով ճնշել բողոքի ցույցերը։ Միևնույն ժամանակ, ամերիկացիները նախապես մշակում են «անողոք» քաղաքական և տնտեսական արձագանք իշխանությունների կողմից «խաղաղ քաղաքացիների» նկատմամբ ուժի «չափից ավելի» կիրառման համար»։
Ըստ ՌԴ ԱՀԾ-ի՝ գունավոր հեղափոխությանը նախապատրաստվելու շրջանակներում «վրացական արևմտամետ ոչ կառավարական կազմակերպությունները հավաքագրում են մեծ թվով նորակոչիկների՝ քվեարկության ընթացքին ուշադիր հետևելու համար»:
«Նրանց հանձնարարված է բացահայտել և արձանագրել իշխանությունների կողմից վարչական ռեսուրսների օգտագործման «անխուսափելի փաստերը» նույնիսկ դրանց բացակայության դեպքում: Վաշինգտոնը լրացուցիչ միջոցներ է հատկացնում տեղական ընդդիմադիր երիտասարդական միավորումներին, որոնք պետք է դառնան «հետընտրական բողոքի ակցիաների «լոկոմոտիվը»», - հավելել են ԱՀԾ-ում:
ՌԴ արտաքին հետախուզության ծառայությունում նաև նշել են, որ «Վաշինգտոնի կողմից վերահսկվող վրացական ընդդիմադիր ուժերը, չնայած ամերիկացիների ջանքերին, մնում են մասնատված, իսկ նրանց ստեղծած կոալիցիաները` շատ թույլ», ուստի իշխող «Վրացական երազանք» կուսակցությունը կարող է ստանալ բնակչության համոզիչ վստահությունը: Սակայն, ըստ ԱՀԾ-ի, նման սցենարից խուսափելու համար ամերիկացիները մտադիր են զանգվածաբար մեծացնել ճնշումը վրացական իշխանությունների վրա, որպեսզի առավելագույնս թուլացնեն «Վրացական երազանքի» էլեկտորալ դիրքերը:
Վրաստանի և Արևմուտքի հարաբերությունները վատթարացել են երկրում «Օտարերկրյա ազդեցության թափանցիկության մասին» օրենքի ընդունումից հետո։
ПОСЛЕДНИЕ ОТ АВТОРА
-
New2025-06-28 11:38В пятницу в Россию через Грузию выехали 94 грузовые машины с армянским абрикосами. Об этом сообщил в соцсети министр экономики Армении Геворк Папоян.
-
New2025-06-28 11:36В Иране проходят похороны военачальников, ученых-ядерщиков и мирных жителей, погибших в дни 12-дневного конфликта с Израилем. В церемонии участвует президент страны Масуд Пезешкиан. Об этом сообщает телеканал Press TV.
-
New2025-06-28 11:35Одним из оснований для возбуждения дела против главы Ширакской епархии Армянской Апостольской церкви Микаэла Аджапахяна стали его призывы к свержению власти, сделанные 21 июня. Об этом говорится в заявлении Генеральной прокуратуры Армении.
-
New2025-06-28 10:26Министр территориального управления и инфраструктур Армении Давид Худатян и министр энергетики и природных ресурсов Турции Алпарслан Байрактар провели встречу в Стамбуле. В ходе встречи обсуждались возможные направления сотрудничества Армении и Турции в сфере энергетики. Об этом пишет газета «Паст», развивая тему.