2024-08-26 19:53
Информагентства
«Ռոսպոտրեբնադզոր»․ Եվրասիական տարածաշրջանում կապիկի ծաղիկի տարածման ռիսկը ցածր է
Եվրասիական տարածաշրջանում կապիկի ծաղիկի տարածման ռիսկը գնահատվում է ցածր, հայտնում է «Ռոսպոտրեբնադզորի» մամուլի ծառայությունը՝ ամփոփելով ԵԱՏՄ անդամ պետությունների բնակչության Սանիտարահամաճարակային բարեկեցության ոլորտում լիազորված մարմինների ղեկավարների խորհրդի նիստի արդյունքները:
«Հանդիպման ընթացքում քննարկվել Է ԱՀԿ կողմից կապիկի ծաղիկի վերաբերյալ միջազգային նշանակության արտակարգ իրավիճակ հայտարարելու հետ կապված իրավիճակը։ Խորհրդի անդամների կարծիքով՝ ԵՏՄ անդամ երկրներում, Տաջիկստանում և Ուզբեկստանում կապիկի ծաղիկի տարածման ռիսկը գնահատվում է ցածր», - ասվում է հաղորդագրության մեջ:
Գերատեսչությունում պարզաբանել են, որ նիստը տեղի է ունեցել «Ռոսպոտրեբնադզորի» ղեկավար Աննա Պոպովայի նախաձեռնությամբ և Հայաստանի, Բելառուսի, Ղազախստանի և Ղրղզստանի ներկայացուցիչների մասնակցությամբ: Բացի այդ, նիստին հրավիրվել են Տաջիկստանի և Ուզբեկստանի ներկայացուցիչները:
Մասնակիցները քննարկել են նաև ձեռնարկվող հակահամաճարակային միջոցառումները: Նշվել է, որ եվրասիական տարածաշրջանի բոլոր երկրները խստացրել են սանիտարական-կարանտինային հսկողության միջոցառումները սահմանին:
«Գործընկերները դիմել են ռուսական կողմին՝ խնդրելով տրամադրել կապիկի ծաղիկը որոշող թեստ-համակարգեր, որոնք մշակվել են «Ռոսպոտրեբնադզորի» «Վեկտոր» գիտական կենտրոնի կողմից»,-տեղեկացրել են մամուլի ծառայությունում:
Գերատեսչությունում նաև հայտնել են, որ հանդիպման արդյունքներով որոշվել են հետագա համատեղ գործողությունները տարածաշրջանի բնակչության և տարածքի կյանքի և առողջության պաշտպանության համար:
Կապիկի ծաղիկը հազվագյուտ վարակիչ հիվանդություն է, որն առավել տարածված է Կենտրոնական և Արևմտյան Աֆրիկայի հեռավոր շրջաններում: Դրա ախտանիշներն են՝ սրտխառնոցը, ջերմությունը, ցանը, քորը, ինչպես նաև մկանների ցավը: Մեղմ ընթացքով հիվանդությունը սովորաբար ինքնաբերաբար անցնում է՝ տևելով 14-ից 21 օր:
Օգոստոսի 14-ին ԱՀԿ ղեկավար Թեդրոս Գեբրեյեսուսը արտակարգ դրություն է հայտարարել՝ կապված կապիկի ծաղիկի տարածման հետ:
Sputnik Արմենիա
ПОСЛЕДНИЕ ОТ АВТОРА
-
New2025-03-18 15:33Пять лидеров палестинского движения ХАМАС, включая двоих членов политбюро, погибли в результате израильских авиаударов по сектору Газа во вторник утром. Об это сообщил в беседе с РИА Новости источник в движении.
-
New2025-03-18 15:32Новая Конституция Армении будет документом, который не навредит миру и мирному договору, заявила министр юстиции РА Србуи Гальян.
-
New2025-03-18 15:29Верхняя палата Федерального собрания Швейцарии — Совет кантонов, приняла проект № 24.4259 под названием «Форум мира по Нагорному Карабаху: обеспечение возможности возвращения армян».
-
New2025-03-18 15:27Достойны мир и сотрудничество будут только тогда, когда Азербайджан получит соразмерный ответ и в дипломатической плоскости, и путем укрепления системы безопасности Армении и налаживания отношений Еревана с внешними партнерами. Об этом в беседе с журналистами 18 марта заявил секретарь фракции блока «Армения» Арцвик Минасян.