2024-08-27 11:06
Информагентства
Տնտեսական հանցագործությունների համար դատապարտված քանի՞ տնտեսվարող կա Հայաստանի ՔԿՀ-ներում
ՀՀ քրեակատարողական հիմնարկներում 11 տնտեսվարող դատապարտված է տնտեսական հանցագործությունների համար։ Այս մասին Sputnik Արմենիայի գրավոր հարցմանն ի պատասխան հայտնել են ՀՀ արդարադատության նախարարությունից։
Նախարարությունից նշում են, որ տվյալները 2024 թ. օգոստոսի 20–ի դրությամբ են։
Հանցագործությունները կատարվել են ՀՀ քրեական օրենսգրքի տնտեսական հանցագործությունների գլխում ներառված 29 հոդվածների հատկանիշներով։
Հիշեցնենք, որ ՀՀ պետական եկամուտների կոմիտեն շրջանառության մեջ է դրել օրենսդրական փոփոխությունների մի նախագիծ, որով տնտեսվարողը 10 մլն դրամ և ավելի խախտում անելու դեպքում 3 տարի կկալանավորվի։ ՊԵԿ–ն առաջարկում է փոփոխություններ և լրացումներ կատարել ՀՀ քրեական օրենսգրքում, մասնավորապես` ուժը կորցրած ճանաչել 290–րդ հոդվածի 5–րդ մասը։
ՀՀ քննչական կոմիտեն ներկայացրել էր խրախուսական նորմերի կիրառմամբ գործերի քննության վիճակագրական տվյալներ, ըստ որոնց` 2023 թ. ընթացքում քննվել է 932 քրեական վարույթ (հարկայինի մասով), ավարտվել է 464 վարույթ, կարճվել է 439 վարույթ, 60–ը` խրախուսական հիմքով, 379–ը` այլ հիմքերով, վերականգնվել է 27 միլիարդ ՀՀ դրամ։
Հիշեցնենք նաև, որ «Մանթաշյանց» գործարարների միության նախագահ Վահրամ Միրաքյանը, մեկնաբանելով ՊԵԿ առաջարկած օրենսդրական փոփոխությունը, հայտարարել էր՝ եթե ՊԵԿ–ն առաջարկում է խախտումը վճարելուց հետո շարունակել կալանքի տակ պահել գործարարին, դա նշանակում է, որ տարվա մեջ մոտ 1000 գործարար բանտում կհայտնվի: Միրաքյանի խոսքով՝ Հայաստանում գործարարությամբ զբաղվելն անկանխատեսելի է դարձել նրանով, որ ամեն րոպե գործարարին կարող են կալանքի տանել, և շատերն արդեն մտածում են ներդրում անել երկրից դուրս։
ПОСЛЕДНИЕ ОТ АВТОРА
-
New2025-03-18 15:33Пять лидеров палестинского движения ХАМАС, включая двоих членов политбюро, погибли в результате израильских авиаударов по сектору Газа во вторник утром. Об это сообщил в беседе с РИА Новости источник в движении.
-
New2025-03-18 15:32Новая Конституция Армении будет документом, который не навредит миру и мирному договору, заявила министр юстиции РА Србуи Гальян.
-
New2025-03-18 15:29Верхняя палата Федерального собрания Швейцарии — Совет кантонов, приняла проект № 24.4259 под названием «Форум мира по Нагорному Карабаху: обеспечение возможности возвращения армян».
-
New2025-03-18 15:27Достойны мир и сотрудничество будут только тогда, когда Азербайджан получит соразмерный ответ и в дипломатической плоскости, и путем укрепления системы безопасности Армении и налаживания отношений Еревана с внешними партнерами. Об этом в беседе с журналистами 18 марта заявил секретарь фракции блока «Армения» Арцвик Минасян.