2024-08-27 18:58
Информагентства
Նարիշկին․ Ռուսաստանը ցանկանում է կանխել Վրաստանում «գունավոր հեղափոխություն» իրականացնելու փորձերը
Ռուսաստանը, հրապարակելով իր ունեցած հետախուզական տեղեկությունները, ցանկանում է կանխել Վրաստանում գունավոր հեղափոխության փորձերը, ՏԱՍՍ-ին ասել է Ռուսաստանի արտաքին հետախուզության ծառայության տնօրեն Սերգեյ Նարիշկինը՝ մեկնաբանելով ավելի վաղ ծառայության կողմից արված նախազգուշացումը։
«Այն, որ Ռուսաստանի արտաքին հետախուզության ծառայությունը տեղեկություն է հրապարակել ոչ միայն արևմտյան հետախուզական ծառայությունների, այլև պետական կառույցների, օրինակ ԱՄՆ պետքարտուղարության թշնամական գործունեության մասին, նրա համար է, որպեսզի նպաստենք Վրաստանում «գունավոր հեղափոխության» կանխմանը»,- ասել է Նարիշկինը։
Ավելի վաղ Ռուսաստանի արտաքին հետախուզական ծառայությունը հաղորդագրություն էր տարածել, որում նշված էր, որ ամերիկյան իշխանությունները պատրաստվում են «թբիլիսյան մայդան» իրականացնել, որպեսզի թույլ չտան, որ «Վրացական երազանք» կուսակցությունը հաղթի հոկտեմբերին կայանալիք խորհրդարանական ընտրություններում։ Ըստ սցենարի՝ «թբիլիսյան մայդանում» պետք է հրապարակվեն «ընտրակեղծիքների ապացույցներ», հայտարարվի ընտրությունների արդյունքները չճանաչելու մասին և իշխանափոխության պահանջ հնչեցվի։
Ռուսաստանի արտաքին հետախուզական ծառայության համաձայն՝ իրավապահ մարմիններին կհրահրեն բռնի ուժով ճնշել բողոքի ցույցերը։ Ամերիկացիները, ըստ ռուսական կողմի ունեցած տեղեկատվության, նախապես մշակում են նաև Վրաստանի իշխանությունների կողմից «խաղաղ ցուցարարների» նկատմամբ «անհամաչափ ու բիրտ ուժի կիրառմանը» խստորեն արձագանքելու տարբերակներ։
Aysor.am
ПОСЛЕДНИЕ ОТ АВТОРА
-
New2025-06-24 12:00Белый дом может повторить манёвр 2020 года, когда Иран обстрелял американские базы в Ираке, и ответа не было. К тому же сейчас, как и тогда, Тегеран заранее сообщил об атаке. Повышать же градус эскалации для команды Дональда Трампа очень рискованно, учитывая раскол в США. На это обратил внимание политолог Малек Дудаков.
-
New2025-06-24 11:56Редактор сайта Politik.am Борис Мурази подал в суд на жену премьер-министра Армении Анну Акопян.
-
New2025-06-24 11:52Арест Самвела Карапетяна и механизм его реализации (приказ через Facebook, сопутствуемый разнузданными постами) может иметь серьезные макропоследствия.
-
New2025-06-24 11:43На 88-м году жизни скончался народный артист Республики Армения Гуж Манукян.