2024-08-28 09:28
Марина МКРТЧЯН
ՓԱՇԻՆՅԱՆԸ ՎԱԽԵՆՈՒՄ Է ՍՅՈՒՆԻՔԻ ՔԱՂԱՔԱՊԵՏՆԵՐԻՑ…
Աննա Հակոբյանին նվիրած կարմիր վարդերի փունջը չփրկեց Քաջարանի քաղաքապետին ռեժիմի պարագլխի հետապնդումներից։ Տեսանելի հեռանկարում Մանվել Փարամազյանին օրենքի անունով կզրկեն Երևանում և Սյունիքում իր թանկարժեք անշարժ գույքից, իսկ մինչ այդ տեղի պարեկները նախ խուզարկել, ապա տուգանային հրապարակ են տարել արտասահմանյան մակնիշի նրա ծառայողական մեքենան՝ 777 77 համարանիշով, ընդ որում արել են դա առանց որևէ իրավական հիմնավորման, միայն հայտարարել են, թե մեքենան հետախուզման մեջ է:
ԳՈՐԾՈՂՈՒԹՅՈՒՆՆ ԻՐԱԿԱՆԱՑՎԵԼ Է ԴԻՄԱԿՆԵՐԻ ՇՈՈՒԻ ԲՈԼՈՐ ԿԱՆՈՆՆԵՐՈՎ, ԹԵԵՎ ԱՌԱՆՑ ԴԻՄԱԿՆԵՐԻ։ Մոտ 5 ոստիկանական մեքենաներ շրջապատել են քաղաքապետի ամենագնացը, ստիպել Փարամազյանին իջնել մեքենայից։ Քաղաքապետն այդ գործողություններն անվանեց «էժանագին քայլ» և հավելեց, որ արտասահմանյան մակնիշի մեքենան չի կարող անցնել իր գործի որևէ դրվագով, քանի որ սեփականություն չէ. այն պատկանում է Քաջարանի կոմբինատին: ՔԿ-ից հայտնեցին, որ առնչություն չունեն ո՛չ խուզարկության, ո՛չ էլ քաղաքապետի ծառայողական մեքենան տուգանային կայանատեղ տանելու հետ…
Ժամանակին կոչ արեցինք առանձնակի նշանակություն չտալ ՔՊ-ին անդամակցելու Գորիսի քաղաքապետ Առուշ Առուշանյանի հայտի մասին լուրերին. ակնհայտ էր, որ նա փորձում էր ապահովագրել իրեն հնարավոր հետապնդումներից: Առաջիկա խորհրդարանական ընտրությունների նախապատրաստման առանցքային փուլերից մեկը դարձավ դատարանի որոշումը, ըստ որի Առուշանյանը 5 տարով զրկվեց տեղական ինքնակառավարման մարմնի ղեկավարի պաշտոնը զբաղեցնելու իրավունքից: Փաշինյանը չի վստահում Փարամազյանին ու Առուշանյանին, դրա համար էլ անում է ամեն հնարավորը, որ Քաջարանում ու Գորիսում ընտրություններն անցնեն ՔՊ-ի, այլ ոչ թե տեղական մակարդակի ղեկավարների վերահսկողության ներքո։ Փաշինյանը կասկածում է, որ Փարամազյանն ու Առուշանյանը քարոզարշավի ընթացքում կգործեն ի նպաստ ընդդիմության շահերի…
Սյունիքի քաղաքապետներից ամենաանխոցելին Կապանի համայնքապետ Գևորգ Փարսյանն է։ Ոչ մի կերպ չեն կարողանում կոմպրոմատ գտնել նրա դեմ։ Կապանի քաղաքապետը երբեք անձնական նվիրվածություն չի ցուցաբերել ռեժիմի պարագլուխին, չի սեթևեթել տեղի ՔՊ ստորաբաժանման հետ և նույնիսկ իրեն թույլ է տվել չշարժվել Սյունիքի մարզպետ Ռոբերտ Ղուկասյանի թելադրանքով: Նրանց հարաբերություններն արդեն վաղուց և անհուսալիորեն փչացած են։ Ընդ որում Փարսյանը կարողացավ խուսափել հետապնդումներից, թեև հետևություններ անելը դեռ վաղ է, չի բացառվում, որ խաղից դուրս բերելով Փարամազյանին ու Առուշանյանին՝ Փաշինյանը կանցնի Կապանի քաղաքապետի հարցերը լուծելուն։ Հատուկ ընդգծեմ, որ նշված բոլոր ղեկավարներից համայնքների բնակիչները գոհ են։ Առուշանյանին, Փարամազյանին ու Փարսյանին հարգում են, վստահում, նրանց կարծիքը հաշվի են առնում։
Հայտնի է, որ Գորիսի ավագանին դեմ է արտահայտվել դատական որոշմամբ Առուշանյանի պաշտոնանկությանը, սակայն բոլորին լավ հայտնի են մեթոդները, որոնցով իշխող վերնաշերտը սանձահարում է ավագանու անհնազանդ անդամներին, ուստի հաշվարկը, թե ավագանու անդամները կկարողանան պահել Առուշանյանին քաղաքապետի աթոռին, բնավ իրատեսական չէ։ Շատ ավելի իրատեսական են թվում դատարանի որոշումը չկատարելու պատճառով Առուշանյանին կալանավորելու վերաբերյալ Պրոբացիայի ծառայության միջնորդության հետևանքները: Որոշումից հետո նա շարունակել է կատարել քաղաքապետի լիազորությունները։
ԳՈՐԻՍԻ ԱՎԱԳԱՆՈՒ ԱՆԴԱՄՆԵՐԸ ՎԿԱՅԱԿՈՉՈՒՄ ԵՆ «ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՄԱՐՄԻՆՆԵՐԻ ՄԱՍԻՆ» ՕՐԵՆՔԸ։ Օրենքում նախորոշված են համայնքի ընտրված ղեկավարի հրաժարականի բոլոր պատճառները։ Քննարկելով Պրոբացիայի ծառայության իրազեկումը 5 տարվա արգելանքի վերաբերյալ՝ ավագանին հանգել է այն եզրակացության, որ տվյալ միջոցը նշված չէ օրենքում որպես համայնքի ղեկավարի հրաժարականի հիմք: Առուշանյանը բողոքարկեց Պրոբացիայի ծառայության գործողությունները Սյունիքի առաջին ատյանի դատարանում՝ այն հիմնավորմամբ, որ այդ ծառայությունը իրավասու չէ դիմել համայնքի ավագանու անդամներին…
Հիշեցնեմ, որ 2021թ. հունիսի 20-ի արտահերթ ընտրություններից հետո ձերբակալվեց Քարահունջ վարչական միավորի ղեկավար Լուսինե Ավետյանը, որից փորձում էին ցուցմունք կորզել Առուշանյանի դեմ։ Ավետյանին մեղադրեցին նրանում, թե իբր գումար է բաժանել՝ քարոզելով բնակչությանը քվեարկել «Հայաստան» դաշինքի օգտին։ Քննիչների ճնշման տակ Ավետյանը համաձայնեց ցուցմունք տալ Առուշանյանի դեմ, այդ ցուցմունքի դիմաց նրան ազատ արձակեցին։
Համանման մեղադրանքներ ներկայացվեցին Գորիսի համայնքապետարանի ղեկավար աշխատակիցներին, թեև ավելի ուշ ապացուցվեց, որ տեղի է ունեցել սոցիալական աջակցության բաշխում՝ հատուկ հանձնաժողովի որոշմամբ, այլ ոչ թե ընտրակաշառում: Առուշանյանը երկար ժամանակ անցկացրեց բանտում, նրան հայտարարեցին քաղբանտարկյալ։ Բանտից նա հաղթանակ տարավ Գորիս համայնքի ավագանու ընտրություններում և ստանձնեց քաղաքապետի պաշտոնը։ Փաշինյանը չի ցանկանում Սյունիքում ՏԻՄ ղեկավար տեսնել նրանց, ովքեր առաջիկա խորհրդարանական ընտրություններում չեն աշխատի ՔՊ-ի հաղթանակի օգտին…
ПОСЛЕДНИЕ ОТ АВТОРА
-
2025-05-08 12:25Когда 8 мая 2019 г. Пашинян появился на телеэкранах, многие решили, что он поздравит народ с очередной годовщиной освобождения Шуши, но вождь "революции любви и согласия" перечислил 100 фактов "новой Армении", сделав акцент на "умных хлевах" ("хелаци гом"). Он с пафосом поведал массам, что в таких постройках скотина будет чувствовать себя комфортно на уровне передовых достижений 21 века. Пашинян обещал, что правительство возместит 50% затрат на строительство малых и средних хлевов, а для жителей приграничных районов - 70% затрат.
-
2025-05-08 09:523 апреля общественность потрясло известие о жестокой расправе над пожизненно осужденными в Нубарашенской колонии. Группа сотрудников в черных масках учинила на 5 этаже побоище. В качестве причины было указано нежелание заключенных починиться внутреннему распорядку. Количество самоубийств среди осужденных в последнее время увеличилось, вряд ли общество информировано об истинных причинах добровольного сведения счетов с жизнью по каждому эпизоду...
-
2025-05-07 09:43И в период движения 17 партий "За спасение Родины", и во время акций движений "Сопротивление" и "Тавуш во имя Родины" РПА всегда была в первых рядах борьбы, однако никогда не выступала в роли инициатора акций под лозунгом свержения режима. РПА никогда не обещала скорой и безоговорочной победы, не инициировала импичмент, не обещала дойти "из Тавуша до Арцаха". РПА никогда не навязывала народу политические иллюзии, в ее активе отсутствуют тщетные попытки избавиться от режима и несбыточные прожекты принуждения Пашиняна к отставке!
-
2025-05-05 09:02В прошлом году Пашинян не участвовал в мероприятиях, посвященных очередной годовщине победы в Великой Отечественной войне: оказывается, коронавирус. В этом году 80-я годовщина объединит в Москве лидеров всех стран СНГ, причем, майскому визиту предшествовал визит Пашиняна в Эстонию, где, по мнению политолога Вигена Акопяна, главарь режима имел некие закулисные встречи. Акопян назвал этот визит Пашиняна "вызовом на ковер".