2024-09-06 18:01
Информагентства
Հայկ ԴԵՄՈՅԱՆԸ՝ ՍՓՅՈՒՌՔԻՆ ԻՇԽԱՆՈՒԹՅՈՒՆՆԵՐԻ ԿԱԶՄԱԿԵՐՊԱԾ ԳԱԳԱԹՆԱԺՈՂՈՎԻՆ ՄԱՍՆԱԿՑՈՒԹՈՒՆԸ ԼԵԳԻՏԻՄԱՑՆՈՒՄ Է ԱՐՑԱԽԻ ՀԱՅԱԹԱՓՈՒՄԸ
Հայոց ցեղասպանության թանգարան-ինստիտուտի նախկին տնօրեն Հայկ Դեմոյանը կոչ է արել սփյուռքահայերին զերծ մնալ Սփյուռքի գործերի գլխավոր հանձնակատարի գրասենյակի կողմից կազմակերպված Համաշխարհային հայկական երկրորդ գագաթնաժողովին մասնակցելուց։
Նրա խոսքով՝ գագաթնաժողովին մասնակցելը լեգիտիմացնելու է Ռուսաստանի, Ադրբեջանի և Թուրքիայի իշխանությունների՝ Արցախի հայաթափման ծրագիրը, որին միացել են նաև Հայաստանի իշխանությունները։
«Ձեր մասնակցությամբ դուք արդարացնում եք պարբերական հարձակումները հայ ժողովրդի պատմական հիշողության, նրա մշակութային ժառանգության և ազգային խորհրդանիշների վրա՝ դրանով ուղղակի կամ անուղղակի արդարացնելով գործող իշխանությունների գործողությունները»,- պարզաբանել է Դեմոյանը։
Հայոց ցեղասպանության թանգարան-ինստիտուտի նախկին տնօրենը միջոցառմանը մասնակցելն անվանել է աջակցություն համակարգային կոռուպցիային, անօրինականությանը, ընտրովի արդարադատությանը, քաղաքական հետապնդումներին և ծաղրի առարկա դարձած հանրապետությունում ձևավորված քաղաքական մշակույթին։
2022 թվականին կայացած առաջին գագաթնաժողովի աշխատանքները հիմնականում ձախողվել էին, կարծում է Դեմոյանը, սակայն, ըստ նրա, միջոցառման վրա պետբյուջեից հսկայական գումարներ են ծախսվել։ «Ձեր մասնակցությամբ նույնը կարվի նաև այս անգամ»,- եզրափակել է պատմաբանը։
Համաշխարհային հայկական երկրորդ գագաթնաժողովը տեղի կունենա սեպտեմբերի 17-20-ը՝ Երևանում։ Միջոցառման ընթացքում Սփյուռքի և Հայաստանի գրեթե 1000 ներկայացուցիչներ պետական պաշտոնյաների և այլ բանախոսների հետ կքննարկեն ազգային անվտանգությանը, տնտեսությանը, երկրի և սփյուռքի ներուժին, գիտական ոլորտում նոր տեխնոլոգիաների ներդրմանը, հայ համայնքների հիմնախնդիրներին և հայրենադարձությանը վերաբերող հարցեր։ Գագաթնաժողովն առաջին անգամ անցկացվել էր 2022 թվականին, որին մասնակցել է շուրջ 600 մարդ ավելի քան 50 երկրից և 130 բանախոս 15 երկրից:
ПОСЛЕДНИЕ ОТ АВТОРА
-
2025-05-10 15:18Уровень воды в озере Севан, по состоянию на 10 мая, составляет 1900 м 62 см, или на 21 см выше, чем 10 мая 2024 года. Об этом директор Центра гидрометеорологии и мониторинга Левон Азизян сообщил в соцсети со ссылкой на ежедневные данные гидрологического баланса страны.
-
2025-05-10 15:17Мэр Капана Геворк Парсян не присоединился к чиновникам, встречавшим премьер-министра Армении Никола Пашиняна. Это становится ясно, судя по кадрам, опубликованным правительством РА.
-
2025-05-10 14:07Лауреат Государственной премии Республики Армения за всемирный вклад в высокие технологии 2024 года др. Ёсиаки Дэймон Хагивара уже в Армении. Президент лаборатории LOCOMTEC AIPS др. Хагивара прибыл в Армению, чтобы получить свою награду в области высокотехнологичной промышленности.
-
2025-05-10 13:57Секретарь фракции «Честь имею» Национального собрания Армении Тигран Абрамян написал: