2024-09-07 10:54
Информагентства
Լիլիթ ԳԱԼՍՏՅԱՆ․ ՌՈՒՍԵՐԵՆԻ ԴԱՍԱՎԱՆԴՈՒՄԸ ՔԱՂԱՔԱԿԱՆ ՔՄԱՀԱՃՈՒԹՅԱՆ ՏԻՐՈՒՅԹ ՏԱՆԵԼԸ ԿԱՐՃԱՏԵՍՈՒԹՅՈՒՆ Է
Հանրակրթական դպրոցներում ռուսաց լեզվի դասավանդումը քաղաքական քիմքի, քմահաճության տիրույթ տանելը քաղաքական կարճատեսություն է։ Sputnik Արմենիայի հետ զրույցում այս տեսակետը հայտնեց ՀՀ ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի անդամ, «Հայաստան» խմբակցության պատգամավոր Լիլիթ Գալստյանը` մեկնաբանելով դպրոցներում «Ռուսաց լեզու» առարկայի դասաժամերի հնարավոր կրճատումը։
Ավելի վաղ հայտնել էինք, որ ամռան ամիսներին ԿԳՄՍՆ–ն շրջաբերական է ուղարկել բոլոր դպրոցներ, ըստ որի` մի շարք դասարանների համար «Ռուսաց լեզուն» հիմնական (պարտադիր) կարգավիճակից անցել է օտար լեզվի կարգավիճակի (ըստ ցանկության)։ Ըստ շրջաբերականի՝ դպրոցն իրավունք ունի ինքնուրույն բաշխել օտար լեզվի ուսուցման համար հատկացված ժամերը և որոշել, թե որին են նախապատվությունը տալիս։
«Լեզուն մշակութային և քաղաքական երկխոսության ամենամեծ գործիքն է, չի կարելի և թերագնահատել այն։ Կրթությունն ամենամեծ քաղաքականությունն է։ Հայ–ռուսական հարաբերությունների ներկա վիճակը, բնականաբար, ազդում է և կազդի կրթության ու մշակույթի ոլորտների վրա։ Դա շատ տեսանելի է հատկապես այս իշխանության պարագայում, որն ապազգային գործելաոճ է որդեգրել»,– ասաց Գալստյանը։
Նրա խոսքով` այդ գործելաոճը քաղաքական վեկտորի փոփոխման հետևանք է։
Գալստյանն ընդգծեց, որ հայ–ռուսական հարաբերություններում խորացող ճգնաժամում գոնե տեսանելի ապագայում առողջացման ծիլեր, ցավոք,չի տեսնում ։ Պատգամավորը հիշեցրեց, որ Ռուսաստանի հետ Հայաստանին աներևակայելի մշակութային ժառանգություն է կապում և շարունակելու է կապել` անկախ այսօրվա ՀՀ իշխանությունների քաղաքական դիրքորոշումից։
ПОСЛЕДНИЕ ОТ АВТОРА
-
2025-03-14 19:49Генсек НАТО Марк Рютте подтвердил, что вопрос вступления Украины в альянс больше не стоит на повестке дня.
-
2025-03-14 19:46Министр иностранных дел Грузии Мака Бочоришвили прияла чрезвычайного и полномочного посла США в Грузии с Робин Данниган с кем обсудила повестку дня сотрудничества двух стран, сообщает пресс-служба МИД Грузии.
-
2025-03-14 19:43Пресс-секретарь Белого дома Каролин Левитт уточнила, что с президентом РФ Владимиром Путиным говорил не американский лидер Дональд Трамп, а его советник Стив Уиткофф, ранее посетивший Москву.
-
2025-03-14 19:41Генеральный секретарь НАТО Марк Рютте заявил, что отношения с Россией должны быть в конечном итоге нормализованы после окончания войны в Украине.