2024-09-09 17:40
Информагентства
Ավետիք Չալաբյանը պնդում է՝ իր դեմ հարուցված գործը շինծու է
«Այակվե» քաղաքացիական նախաձեռնության համակարգող Ավետիք Չալաբյանը Վերաքննիչ դատարանի այսօրվա նիստում կրկնեց, որ իր դեմ հարուցված քրեական գործը շինծու է, իսկ մեղադրանքները՝ հորինված։ Հիշեցնենք, որ Չալաբյանը մեղադրվում է ուսանողներին կաշառք տալու փորձի մեջ։
Քաղաքական գործիչը նշեց, որ նախորդ հանդիպման ժամանակ դատախազի հայտարարությունը, թե քրեական հետապնդման հանգեցրած զրույցի չորրորդ մասնակցին հարցաքննելու անհրաժեշտություն չկա, մեղմ ասած տարօրինակ է հնչում։ «Դատախազն ասաց, որ հարցաքննությունը ոչինչ չի փոխի։ Ինչպե՞ս հասկանալ սա: Ապացույցներն այդքան ուժե՞ղ են, թե՞ գործը պատվիրված է»,- հարցրեց Չալաբյանը։ Նա առաջարկեց դիտարկել փաստերը՝ առհասարակ հանցակազմ կա՞։
«Փողերի փոխանցման նպատակը, ըստ մեղադրանքի, չի հայտարարվել, դա կարելի է ենթադրել կոնտեքստից։ Ես նման առաջարկ չեմ արել, ո՞րն է այն կոնտեքստը, որից կարելի է ենթադրել, որ գումար է առաջարկվել հանրահավաքներին մասնակցելու համար։ Հանրահավաքի մասին խոսում էր Թոռնիկ Ալեյանը, կոնտեքստը նա էլ ստեղծում էր»,- նկատեց Չալաբյանը։
Նրա խոսքով, եթե համեմատենք, որ խոսակցությունը լսվել, ձայնագրվել ու մոնտաժվել է, հետո հրապարակվել է նրանց կապերով հայտնի կայքում, կարելի է ենթադրել, որ ամեն ինչ ծրագրված է եղել։ «Զրույցի չորս մասնակիցներից Էրիկ Հայրապետյանը հաստատեց իմ խոսքերը, Արման Սահակյանը չի հարցաքննվել, միայն մեկն է հակառակն ասում։ Ակնհայտ է, որ գործը շինծու է»,- նշեց նա։
Ավետիք Չալաբյանը միացավ փաստաբանների բողոքին, ովքեր պահանջում էին վերացնել առաջին ատյանի դատարանի որոշումը և հաստատել ամբաստանյալների անմեղությունը։
Որոշումը կհրապարակվի սեպտեմբերի 11-ին։
News.am
ПОСЛЕДНИЕ ОТ АВТОРА
-
New2025-06-24 09:57Премьер-министр Армении Никол Пашинян пытается натравить на бизнесмена Самвела Карапетяна всех недовольных экономическим положением страны. Об этом заявил в интервью РИА Новости первый зампред комитета Госдумы по делам СНГ Константин Затулин.
-
New2025-06-24 09:32Удары по ядерным объектам Ирана не несут радиационной угрозы для Армении на данном этапе. Опасен сам прецедент, сказал Sputnik Армения эксперт по вопросам энергетики Ара Марджанян.
-
New2025-06-24 09:26Премьер-министр Никол Пашинян призвал Католикоса всех армян Гарегина II как можно скорее отказаться от титула и покинуть патриаршие покои. Вновь повторив обвинения в адрес Католикоса и назвав его мирским именем Ктрич Нерсисян, Пашинян также призвал последователей Армянской Апостольской церкви и духовенство потребовать отставки Католикоса.
-
New2025-06-24 09:24Руководство ереванского торгового центра "Далма Гарден Молл" (Dalma Garden Mall) выразило поддержку арестованному предпринимателю Самвелу Карапетяну — основателю комплекса.