2024-09-10 16:14
Информагентства
Սուրեն ՄԱՆՈՒԿՅԱՆ․ ՑԵՂԱՍՊԱՆԱԳԵՏՆԵՐԻ ՄԻՋԱԶԳԱՅԻՆ ԸՆԿԵՐԱԿՑՈՒԹՅԱՆ ԸՆԴՈՒՆԱԾ ԲԱՆԱՁԵՎԸ ԲԱՑԱՌԻԿ Է (ՏԵՍԱՆՅՈՒԹ)
Ցեղասպանագետների միջազգային ընկերակցության ընդունած բանաձևը բացառիկ է։ Այս մասին Alpha News-ի ուղիղ եթերում ասել է ցեղասպանագետ Սուրեն Մանուկյանն՝ անդրադառնալով կազմակերպության ընդունած Ադրբեջանի վարքը դատապարտող բանաձևին։
«Ցեղասպանագետների միջազգային ընկերակցությունն ամենախոշոր միջազգային կազմակերպությունն է, որ միավորում է 700 ցեղասպանագետի։ Այս մարդկանց գործը հենց ցեղասպանություններ ուսումնասիրելն է։ Նրանց ընդունած բանաձևը կարող ենք գնահատել որպես բացառիկ, պրոֆեսիոնալ փորձաքննություն է դա։ Շատ դեպքերում, օրինակ, դատարանները հարցեր քննելիս գործն ուղարկում են փորձաքննության։ Կարող ենք ասել՝ սա նման մի փորձաքննության արդյունք էր»,- ասել է մեր զրուցակիցը։
Ցեղասպանագետը նշել է, թե ինչպես կարող է մեր երկիրը հօգուտ իրեն օգտագործել ընդունված բանաձևը։
«Գիտենք՝ Հայաստանը հիմա դատական գործերի մեջ է, հայցեր են ներկայացրել Ադրբեջանի դեմ միջազգային դատարաններում։ Այս բանաձևը գալիս է ուժեղացելու հայկական դիրքորոշումը, հայկական պնդումները, որովհետև շատ դեպքերում մեզ համար ամենալուրջ խոչընդոտը լինում է միջազգային ատյաններում կատարվածի որակումը տալը, ընդ որում՝ որակում տալը ոչ թե մեր տեսանկյունից, այլ գտնել դրա միջազգային որակումը։
Ցեղասպանագետների միջազգային ընկերակցության ընդունած բանաձևը մեզ համար կարող է լինել այն հաղթաթուղթը, որով կարող ենք ասել՝ մենք այլևս անելիք չունենք այս հանցագործությունները բնորոշելիս, թե արդյոք սա ցեղասպանական, պատերազմական, թե մարդկության դեմ կատարված հանցագործություն էր»,- նկատել է ցեղասպանագետը։
Սուրեն Մանուկյանը միաժամանակ ընդգծել է, որ Ցեղասպանագետների միջազգային ընկերակցության 700 ցեղասպանագետից շատ քչերն են հայ, ու ողջունելի է, որ նման բանաձև են ընդունել։
«700 հոգուց երևի ամենաշատը 60 հոգին է հայ։ Կարծում եմ՝ սրանից լավ արդյունք մենք դժվար ակնկնալեինք»,- եզրափակել է մեր զրուցակիցը։
ПОСЛЕДНИЕ ОТ АВТОРА
-
2025-05-10 15:18Уровень воды в озере Севан, по состоянию на 10 мая, составляет 1900 м 62 см, или на 21 см выше, чем 10 мая 2024 года. Об этом директор Центра гидрометеорологии и мониторинга Левон Азизян сообщил в соцсети со ссылкой на ежедневные данные гидрологического баланса страны.
-
2025-05-10 15:17Мэр Капана Геворк Парсян не присоединился к чиновникам, встречавшим премьер-министра Армении Никола Пашиняна. Это становится ясно, судя по кадрам, опубликованным правительством РА.
-
2025-05-10 14:07Лауреат Государственной премии Республики Армения за всемирный вклад в высокие технологии 2024 года др. Ёсиаки Дэймон Хагивара уже в Армении. Президент лаборатории LOCOMTEC AIPS др. Хагивара прибыл в Армению, чтобы получить свою награду в области высокотехнологичной промышленности.
-
2025-05-10 13:57Секретарь фракции «Честь имею» Национального собрания Армении Тигран Абрамян написал: