2024-09-18 13:03
Информагентства
Սարինե ԱԲՐԱՀԱՄՅԱՆ․ ՆԻԴԵՐԼԱՆԴՆԵՐԻ ԱՅՍ ՔԱՅԼԸ ԿԱՐԵՎՈՐ ՄԵԿՆԱԿԵՏ Է
Ադրբեջանի զայրույթը զարմանալի չէ: Այս մասին Alpha News-ի ուղիղ եթերում ասել է ՀՅԴ Հայ Դատի Նիդերլանդների հանձնախմբի պատասխանատու Սարինե Աբրահամյանն՝ անդրադառնալով Նիդերլանդների ուղղված Բաքվի հիստերիային։
Նշենք, որ Նիդերլանդների կառավարության կայքում հրապարակված արտաքին քաղաքական ծրագրում Արցախը ներկայացվել է որպես Ադրբեջանի կողմից գրավված և օգտագործվել է Լեռնային Ղարաբաղ արտահայտությունը։ «Լեռնային Ղարաբաղի գրավումը Ադրբեջանի կողմից» արտահայտությունն էլ առաջացրել է պաշտոնական Բաքվի զայրույթը:
«Ադրբեջանի զայրույթը և ԱԳ նախարարության մակարդակով արձագանքն այս փաստաթղթում տեղ գտած ձևակերպումների վերաբերյալ զարմանալի չէ: Խոսքը վերաբերում է Նիդերլանդների կառավարության համաձայնագրին, որ իրականում նորընտիր կառավարության ծրագիրն է: Իսկապես աննախադեպ է, որ միջազգային քաղաքական մի դեպքի առանձնահատուկ ուշադրություն է դարձվում: Դա ինքնին խոսում է այս հարցի նշանակության մասին»,- ընդգծել է մեր զրուցակիցը:
Աբրահամյանի համոզմամբ՝ Նիդերլանդների այս քայլը կարևոր մեկնակետ է և Հայաստանի համար, և Հայ Դատի հանձնախմբի համար:
«Օգտագործել «Ադրբեջանի կողմից Լեռնային Ղարաբաղի գրավում» արտահայտությունը, նշանակում է , որ Նիդերլանդներն այս երևույթը հենց այդպես էլ գնահատում է: Այս փաստաթղթում տեղ են գտել նորընտիր կառավարության ամբողջ մանդատի ծրագիրն և արտաքին ու ներքին կարևոր հարցերի շուրջ դիրքորոշումը: Դժվար է ասել՝ կոնկրետ ինչ կարելի է ակնկալել, բայց այն, որ այսօրվա օկուպացված Արցախը Նիդերլանդների կողմից գնահատվում է որպես Ադրբեջանի կողմից գրավված Լեռնային Ղարաբաղ, մեզ համար ու Հայ Դատի հանձնախմբի համար կարևոր մեկնակետ է, որի վրա պետք է հիմնվել ու Նիդերլանդների կառավարությանը հաշվետու պահել»,- եզրափակել է Սարինե Աբրահամյանը:
ПОСЛЕДНИЕ ОТ АВТОРА
-
2025-05-10 15:18Уровень воды в озере Севан, по состоянию на 10 мая, составляет 1900 м 62 см, или на 21 см выше, чем 10 мая 2024 года. Об этом директор Центра гидрометеорологии и мониторинга Левон Азизян сообщил в соцсети со ссылкой на ежедневные данные гидрологического баланса страны.
-
2025-05-10 15:17Мэр Капана Геворк Парсян не присоединился к чиновникам, встречавшим премьер-министра Армении Никола Пашиняна. Это становится ясно, судя по кадрам, опубликованным правительством РА.
-
2025-05-10 14:07Лауреат Государственной премии Республики Армения за всемирный вклад в высокие технологии 2024 года др. Ёсиаки Дэймон Хагивара уже в Армении. Президент лаборатории LOCOMTEC AIPS др. Хагивара прибыл в Армению, чтобы получить свою награду в области высокотехнологичной промышленности.
-
2025-05-10 13:57Секретарь фракции «Честь имею» Национального собрания Армении Тигран Абрамян написал: