2024-09-18 19:21
Информагентства
Reuters. Լիբանանում փեյջերների պայթեցման հետքը տանում է Հունգարիա
Թայվանական փեյջեր արտադրող Gold Apollo ընկերությունը չորեքշաբթի հերքել է, որ արտադրել է այն սարքերը, որոնք պայթել են, ինչի հետևանքով զոհվել է 12 մարդ, վիրավորվել՝ մոտ 3000-ը, հաղորդում է Reuters-ը:
Gold Apollo-ում նշել են, որ սարքերն արտադրվել են Հունգարիայի մայրաքաղաք Բուդապեշտում հիմնված BAC ընկերության լիցենզիայի ներքո:
Իսրայելի Մոսադ լրտեսական գործակալությունը, որն այլ երկրներում բարդ հարձակումներ իրականացնելու երկար պատմություն ունի, պայթուցիկներ է տեղադրել Հեզբոլլահի կողմից ներկրված փեյջերներում այդ պայթյուններից ամիսներ առաջ, հաղորդում է Reuters-ը՝ հղում անելով լիբանանյան անվտանգության բարձրաստիճան աղբյուրին:
Gold Apollo-ի հիմնադիր Հսու Չինգ-Կուանգը հայտնել է, որ պայթյունի ժամանակ օգտագործված փեյջերները պատրաստվել են եվրոպական ընկերության կողմից, որը Gold Apollo-ն իր հայտարարության մեջ նշել է որպես BAC:
«Դա մեր արտադրանքը չէր: Պարզապես դրա վրա դրված էր մեր ապրանքանիշը», - ասել է Հսուն չորեքշաբթի օրը լրագրողներին ընկերության գրասենյակներում Թայվանի հյուսիսային Նոր Թայփեյ քաղաքում: Հունգարիայի մայրաքաղաք Բուդապեշտում BAC Consulting-ի նշված հասցեն դեղձի գույնի շինություն է արվարձանների բնակելի փողոցում:
Շենքում գտնվող մի անձ, ով խնդրել է չհրապարակել իր անունը, ասել է, որ BAC Consulting-ը գրանցված է այնտեղ, բայց ֆիզիկական ներկայություն չունի: BAC Consulting-ի գործադիր տնօրեն Քրիստիանա Բարսոնի-Արցիդիակոնոն իր LinkedIn պրոֆիլում ասում է, որ աշխատել է որպես խորհրդատու տարբեր կազմակերպություններում, այդ թվում՝ ՅՈՒՆԵՍԿՕ-ում:
Նա չի պատասխանել Reuters-ի նամակներին: BAC-ի գրանցված գործունեությունը տատանվում է համակարգչային խաղերի հրատարակումից մինչև ՏՏ խորհրդատվություն և հում նավթի արտադրություն: Լիբանանի անվտանգության բարձրաստիճան աղբյուրը բացահայտել է AR-924 մոդելի փեյջերի լուսանկարը: «Հըզբոլլահի» զինյալներն օգտագործում են փեյջերները՝ որպես հաղորդակցության ցածր տեխնոլոգիական միջոց՝ փորձելով խուսափել իրենց գտնվելու վայրի իսրայելական հսկողությունից, գրում է լրատվական գործակալությունը։
Լիբանանի բարձրաստիճան աղբյուրը հայտնել է, որ սարքերը մոդիֆիկացված են իսրայելական լրտեսական ծառայության կողմից «արտադրության մակարդակով»:
Reuters-ի փոխանցմամբ՝ Իսրայելի պաշտոնյաները չեն արձագանքել գործակալության խնդրանքներին։
News.am
ПОСЛЕДНИЕ ОТ АВТОРА
-
New2025-05-17 09:46Уголовное дело в отношении гюмрийской журналистки Лилит Агекян 16 мая приняло новый оборот. Как сообщила в прямом телеэфире член фракции "Мать Армения" в Совете старейшин Еревана, адвокат Заруи Постанджян, в УИУ «Абовян», где содержится Лилит Агекян, явился следователь для предъявления нового обвинения, с помощью которого ей хотят продлить срок содержания под стражей.
-
New2025-05-17 09:40Партии армянского коньяка проходят стандартные процедуры таможенного контроля на пограничных пунктах пропуска. Об этом заявили в Службе государственных доходов министерства финансов Грузии в ответ на запрос издания BM.GE, прокомментировав протест армянских производителей коньяка.
-
New2025-05-17 09:37Премьер-министр Армении Никол Пашинян назвал эффективной встречу с президентом Франции Эммануэлем Макроном на полях 6-го саммита Европейского политического сообщества в столице Албании - Тиране.
-
New2025-05-17 09:35Все пострадавшие в результате ДТП с участием автобуса в Ереване выписаны из больницы, за исключением одного несовершеннолетнего. Об этом сообщила пресс-служба Минздрава Армении.