Աղավնոյի գյուղապետ․ Ժողովուրդը պետք է հասկանա, մի քիչ էլ դրսի «դաբրո» պետք է լինի

Մենք Արցախում էինք, որ սկսվեց այդ ամեն ինչը. Դա սպասելի չէր, քանի որ հերթական անգամ խաբում էին, որ ամեն ինչ լավ է լինելու, ճանապարհը բացվելու է, այստեղ էլ սև ու սպիտակի էին բաժանում ժողովրդին, էշ-էշ դուրս էին տալիս, ասում էին՝ ինչո՞ւ չպահեցիք Արցախը: Այս մասին, այսօր՝ սեպտեմբերի 19-ին, Եռաբլուրում լրագրողների հետ զրույցում նշեց Աղավնոյի գյուղապետ Անդրանիկ Չավուշյանը:

«Արցախը երաշխիքն էր Հայաստանի: Արցախը Հայաստանի մի մասն էր ինչու չպաշտպանեցիք, ինչու չօգնեցիք:

Հետո էլ ասում են՝ դե պետք է տրվեր, նախկինում տրված էր: Բա, եթե տրված էր, ինչո՞ւ չէին վերցրել ազերիները: Դե բացահայտիր»,-ասաց նա:

Չավուշյանը հայտարարեց, որ հավատում է Արցախի վերադարձին. «իջազգային միջոցներով, այստեղի հետ կապ չունի, ոչ էլ այս իշխանության հետ կապ ունի: Ինչ-որ փոփոխություն պետք է լինի»:

Անդրադառնալով վարչապետ Նիկոլ Փաշինյանի հայտարարությանը, որ մինչև հիմա եղած հայրենասիրությունը սխալ է եղել, Աղավնոյի գյուղապետն ասաց. «Ֆեյք, հավայի, անիմաստ հայտարարություններ է անում: Չգիտեմ՝ դա ինչի հետ կապեմ: Մի օր առաջ մռնում են իբր ահաբեկչական խումբ: Էդ նիկոլական մասան թող հլը Արցախից բերված զենքերը հավաքեն իրենց տներից, հետո ուրիշի վրա չգցեն: Իրենց մեջ է էդ ամեն ինը»:

Հարցին՝ ի՞նչն է խանգարում ընդդիմության լիարժեք համախմբման համար, նա պատասխանեց. «Ժողովուրդը պետք է հասկանա ու ձնագնդի պես մեծանա պայքարը: Մի քիչ էլ դրսի «դաբրո» պետք է լինի»:

News.am