2024-09-23 09:30
Информагентства
Գուտերեշ. Աշխարհը չի կարող թույլ տալ, որ Լիբանանը դառնա երկրորդ Գազայի հատված
Այն պայմաններում, երբ Իսրայելի և լիբանանյան «Հեզբոլլահ» շարժման միջև ռազմական գործողությունները լայնածավալ պատերազմի շեմին են, ՄԱԿ-ի գլխավոր քարտուղար Անտոնիո Գուտերեշը Arab News-ին տված բացառիկ հարցազրույցում հայտարարել է, որ աշխարհը չի կարող թույլ տալ, որ Լիբանանը դառնա երկրորդ Գազայի հատված:
Անցյալ շաբաթ Լիբանանում փեյջերների և գրպանային ռացիաների դետոնացիան, որի հետևանքով զոհվել էր 37 մարդ և վիրավորվել ավելի քան 3,000-ը, և դրան հաջորդած Լիբանանի սահմանային շրջանների գնդակոծումը, տարածաշրջանում լարվածությունը հասցրեց սահմանային կետի:
Գուտերեշը հայտարարել է, որ «պետք է ամեն գնով խուսափել» Իսրայելի և «Հեզբոլլահի» միջև լայնածավալ պատերազմից։
Սակայն, ըստ նրա, այս ֆոնին «աճում է այն գիտակցությունը, թե ինչը պետք է դադարեցնենք»:
«Մենք պետք է դադարեցնենք այս պատերազմն ամբողջությամբ։ Մենք պետք է դադարեցնենք պատերազմը Գազայում»,- ասել է ՄԱԿ-ի գլխավոր քարտուղարը։
Գուտերեշը խոստովանել է, որ հակամարտությունը գերազանցել է իր սպասելիքները տևականության և «ավերածությունների ու տառապանքների աննախադեպ մակարդակի» առումով։
Կրկին վճռականորեն դատապարտելով հոկտեմբերի 7-ին պաղեստինյան ՀԱՄԱՍ խմբավորման կողմից հարավային Իսրայելի վրա հարձակումը, նա կրկնել է, որ «դա երբեք չի կարող արդարացնել պաղեստինյան ժողովրդի հավաքական պատիժը»:
Պատասխանելով պատերազմը դադարեցնելու գործում ՄԱԿ-ի պատասխանատվության մասին հարցին՝ Գուտերեշը հստակեցրել է, որ պատասխանատվությունը կրում են հակամարտությունը նախաձեռնողները:
Ըստ նրա, ՄԱԿ-ը հետևողականորեն հրադադարի և մարդասիրական օգնության տրամադրման կոչ է արել մարտերի սկսվելուց ի վեր, սակայն, ըստ նրա, «անհնար է համոզել նրանց, ովքեր չեն ցանկանում համոզվել»:
News.am
ПОСЛЕДНИЕ ОТ АВТОРА
-
New2025-06-23 15:03Адвокатская команда бизнесмена, владельца группы компаний «Ташир» и мецената Самвела Карапетяна опубликовала четвертую часть его послания, в которой он оценил разрушительные действия нынешнего режима Армении в отношениях с Диаспорой.
-
New2025-06-23 14:59То, что происходит в Армении, причиняет боль и негативно отражается на наших соотечественниках, проживающих в Диаспоре. Об этом в интервью Alpha News заявил предстоятель епархии ААЦ в Великобритании епископ Оваким Манукян, комментируя арест бизнесмена Самвела Карапетяна.
-
New2025-06-23 14:58Неспровоцированная агрессия в отношении Ирана не имеет никаких оправданий. Об этом заявил президент России Владимир Путин на встрече с главой иранского МИД Аббасом Аракчи в Москве.
-
New2025-06-23 14:00Федеральная служба безопасности Российской Федерации сообщила, что пресечена деятельность группы лиц, осуществлявшей на системной основе хищения с целью последующего незаконного сбыта и контрабанды на территорию Республики Армения высококачественного алмазного сырья из АК «АЛРОСА».