2024-09-23 15:57
Информагентства
Հայաստանի երեխաների առողջության հիմնադրամը 40 միլիոն դրամ է տրամադրում Արցախի երեխաներին
Հայաստանի երեխաների առողջության հիմնադրամը (ՀԵԱՀ) ակտիվորեն ներգրավված է Արցախից տեղահանված և ՀՀ-ում բնակվող երեխաների առողջական խնդիրների լուծման գործում: Հիմնադրամը, համագործակցելով Հայ օգնության ֆոնդի, ԱԿԲԱ բանկի և Հայ ավետարանչական ընկերակցության հետ, ներգրավել է շուրջ 40,000,000 դրամ՝ աջակցելու քրոնիկ շնչառական, իմունային համակարգի, ռևմատոլոգիական, նյարդաբանական, գաստրոէնտերոլոգիական, լյարդաբանական խնդիրներ և լեյշմանիոզ ունեցող երեխաների բուժմանը:
Մեկամյա ծրագրի շրջանակներում 2024 թվականի հունվար-հուլիս ամիսներին ՀԵԱՀ-ը նվիրաբերել է անհրաժեշտ դեղորայք Արաբկիր բժշկական կենտրոնին, Յոլյանի արյունաբանության և ուռուցքաբանության կենտրոնին և Մուրացան հիվանդանոցին, որոնք օգտագործվել են տեղահանված երեխաների բուժման համար: Դրանից բացի, Հիմնադրամը մի խումբ երեխաների աջակցել է նաև ուղղակիորեն՝ դեղորայք ու թանկարժեք հետազոտություններ ֆինանսավորելով: Նշված ժամանակահատվածում շարունակական աջակցություն ստացած արցախցի երեխաների թիվը շուրջ 150 է:
Հիմնադրամի տնօրեն Արմեն Մարտիրոսյանը կարևորել է այս ծրագրի նշանակությունը. «Մեր նպատակն է ապահովել, որ յուրաքանչյուր երեխա ստանա անհրաժեշտ բուժում՝ անկախ նրա սոցիալական կամ ֆինանսական հնարավորություններից, իսկ այժմ արցախցի բազմաթիվ երեխաներ գտնվում են լրացուցիչ խոցելի պայմաններում: Մենք շնորհակալ ենք մեր հովանավորներին, որոնց աջակցությունը մեզ հնարավորություն է տալիս շարունակել այս կարևոր ծրագիրը՝ պաշտպանելով և բժշկական աջակցություն ցուցաբերելով մեր արցախցի բալիկներին»:
Պետք է նշել, որ Հիմնադրամի աջակցությունը ներառել է այնպիսի դեպքեր, որոնք չեն ֆինանսավորվել պետական պատվերի ու այլ բարեգործական ծրագրերի շրջանակներում: Տրամադրված դեղերի հիմնական մասը ոչ միայն թանկարժեք է, այլ նաև՝ դժվարամատչելի։
Հայաստանի երեխաների առողջության հիմնադրամը շարունակում է այս և մի շարք այլ ծրագրեր՝ նպատակ ունենալով աջակցել բոլոր այն երեխաներին, որոնք ունեն ծանր առողջական խնդիրներ և կարիք ունեն շարունակական և որակյալ բուժման: Հիմնադրամի գործունեությանը ծանոթանալու և աջակցելու համար կարող եք այցելել պաշտոնական կայք՝ https://hfc.am:
News.am
ПОСЛЕДНИЕ ОТ АВТОРА
-
2025-03-15 17:3215 марта 1921 года на улице Гарденберг в Берлине был убит один из главных организаторов Геноцида армян — министр внутренних дел Османской империи Мехмед Талаат-паша.
-
2025-03-15 15:46Постоялец из Турции, устроивший дебош в ереванской гостинице "Лондон", извинился перед ее персоналом и владельцами. Об этом написал на своей странице в facebook совладелец гостиницы Геворк Барсегян, комментируя распространившиеся с утра сведения об инциденте.
-
2025-03-15 15:45Алиев утвердил присоединение Азербайджана к Уставу «Исламской восьмерки» (D-8), сообщают азербайджанские СМИ.
-
2025-03-15 15:41Президент США Дональд Трамп в пятницу вечером подписал указ, который предписывает сократить работу еще семи государственных агентств, включая и отвечающее за работу финансируемых государством СМИ - Радио "Свобода" и "Голоса Америки".