2024-09-28 15:35
Информагентства
Ռուս փորձագետ. ԱՄՆ-ը Հայաստանը համարում է շահեկան կետ տարածաշրջանում իր քաղաքականությունն ակտիվացնելու համար
Ռուսաստանի տարածաշրջանային դիրքորոշումը չպետք է ԱՄՆ-ի հետ իր հարաբերությունների համակարգի ածանցյալը լինի Այս մասին «ԱՄՆ նախագահի ընտրությունները և դրանց ազդեցությունը հետխորհրդային տարածքում» թեմայի քննարկման ժամանակ սեպտեմբերի 28-ին ասել է ՌԴ ԱԳՆ Մոսկվայի միջազգային հարաբերությունների պետական ինստիտուտի (ՄԳԻՄՕ) Եվրասիական հետազոտությունների կենտրոնի տնօրեն Իվան Սաֆրանչուկը։
«Ես կողմ եմ, որպեսզի ընդլայնվի քաղաքական տարածքն աշխարհում առանց ԱՄՆ-ի։ Այս իմաստով Մոսկվայի դիրքորոշումը տարբեր տարածաշրջաններում, այդ թվում Կովկասում, չպետք լինի ամերիկացիների հետ մեր հարաբերությունների ածանցյալը։ ԱՄՆ-ը ամենուրեք բանը տանում է նրան, որ իրեն ներկայացնի որպես անխուսափելի տերություն»,- նշել է նա։
Նրա խոսքով՝ Կովկասում ամերիկյան քաղաքականության հիմքը կապված է այն բանի հետ, որպեսզի վնասի Ռուսաստանին, դա նրանց գլխավոր նպատակն է։
«Ամերիկյան մոտեցումը կապված է այն բանի հետ, որ պետք է միշտ և բոլոր տարածաշրջանային դասավորություններում աջակցել ավելի թույլին ընդդեմ ավելի ուժեղի։ Եթե տարածաշրջանում որևէ տուժած կա, ապա այդ տուժածն էլ հենց մուտքի կետն է։ Որպեսզի չլինի չափից ավելի ուժեղ մեկը, պետք է անպայման աջակցել ավելի թույլ կողմին ավելի ուժեղի դեմ։
Ուստի ամերիկյան դիվանագիտությունն այժմ Հայաստանն իր համար ներկա վիճակում համարում է որպես առավել շահեկան կետ տարածաշրջանում իր քաղաքականությունն ակտիվացնելու համար»,- ավելացրել է փորձագետը։
News.am
ПОСЛЕДНИЕ ОТ АВТОРА
-
2025-03-20 20:21Россия обеспокоена сообщениями о росте напряженности на армяно-азербайджанской границе, заявила на брифинге официальный представитель МИД РФ Мария Захарова.
-
2025-03-20 19:29Москва оперативно запросила у Еревана информацию касательно публикаций в СМИ о переброске Пентагоном техники в Армению, сказала на брифинге официальный представитель МИД РФ Мария Захарова.
-
2025-03-20 19:27Консультации экспертов РФ и США состоятся 24 марта в Эр-Рияде. Об этом журналистам сообщил помощник президента РФ по международным делам Юрий Ушаков, сообщает ТАСС.
-
2025-03-20 19:25Вступление Армении в Евросоюз будет означать для нее необходимость присоединиться к антироссийским санкциям и поставкам оружия Украине, предупредил секретарь Совета безопасности РФ Сергей Шойгу.