2024-10-09 13:15
Информагентства
Ալեքսանդր ՏՈԼՄԱՉՈՎ․ ԱԴՐԲԵՋԱՆԻ ՊԱՀԱՆՋԸ ՄԻՋԱՄՏՈՒԹՅՈՒՆ Է ԵՐԿՐԻ ՆԵՐՔԻՆ ԻՆՔՆԻՇԽԱՆՈՒԹՅԱՆԸ
Իրավաբան Ալեքսանդր Տոլմաչովը Alpha News-ի հետ զրույցում մեկնաբանել է ՀՀ ԱԳՆ մամուլի խոսնակի հայտարարությունն այն մասին, որ ՀՀ Սահմանադրության մեջ չկա որևէ բան, որը կարելի է մեկնաբանել որպես տարածքային պահանջներ այլ երկրների նկատմամբ:
«Հենց կողմերից մեկը փորձում է ուժով, համոզմունքներով կամ պատժամիջոցներով փոփոխություններ մտցնել այլ երկրի քաղաքական համակարգում, այդ թվում՝ Սահմանադրության փոփոխությամբ, դա, իհարկե, միջամտություն է ներքին գործերին, ներքին ինքնիշխանությանը։ Ոչ ոք, իհարկե, դա թույլ չի տա, և նույնիսկ միջազգային իրավունքն է արգելում դա անել։ Տվյալ դեպքում, եթե Ադրբեջանը Հայաստանից պահանջում է փոփոխություններ կատարել Սահմանադրության մեջ, քանի որ, իբր, նրանք կասկածում են, որ Սահմանադրությունը թույլ է տալիս միջամտել Ադրբեջանի տարածքային գործերին, ապա դրա համար պահանջվում է համատեղ համաձայնություն հայկական կողմից, ադրբեջանական կողմից և երրորդ կողմից, ով կլինի երաշխավորը։ Կարևոր չէ՝ դա կլինի Ռուսաստանը, Միացյալ Նահանգները, Թուրքիան, թե Իրանը։ Բայց դա անհնար է։ Այդ պատճառով դա, մեղմ ասած, պարզապես քարոզչական հռետորաբանություն է», — ասել է Տոլմաչովը։
Փորձագետի կարծիքով՝ Ադրբեջանի պահանջը երկրի ներքին ինքնիշխանությանը միջամտելն է։
«Ես կարծում եմ, որ ադրբեջանական կողմը հայկական Սահմանադրության իրավիճակին նայում է սովորական իրավունքի տեսանկյունից։ Հայաստանի պատասխանը պետք է լինի, իմ կարծիքով, իրավական, շատ պարզ, որ մեր Սահմանադրության ֆորմալ պահանջներին համապատասխան՝ մենք ուրիշի տարածքներին չենք հավակնում, ուստի մեզ հանգիստ թողեք։ Այժմ հայկական կողմն՝ ի դեմս կամ վարչապետի, կամ արտգործնախարարի, պետք է պաշտոնական նոտա գրի, փոխանցի Բաքվում դեսպանի միջոցով և ասի, որ մենք ունենք Սահմանադրության տեսքով գրավոր իրավունք, ինչը չի նախատեսում մուտք գործել այլ տարածքներ»,- եզրափակել է Տոլմաչովը։
ПОСЛЕДНИЕ ОТ АВТОРА
-
New2025-03-19 06:11Президенты России и США Владимир Путин и Дональд Трамп провели во вторник телефонные переговоры.
-
New2025-03-19 06:09Министр иностранных дел Ирана Аббас Аракчи и заместитель министра иностранных дел России Александр Грушко на встрече в Тегеране в понедельник призвали к расширению двусторонних отношений и содействию в обеспечении регионального мира и стабильности, сообщает Mehr.
-
New2025-03-19 06:04Министерство обороны Азербайджана вновь распространило дезинформацию, сообщает пресс-служба Минобороны Армении.
-
New2025-03-19 06:01Представители Бюро АРФ "Дашнакцутюн" обсудили с послом России Сергеем Копыркиным возможности активизации межпарламентского сотрудничества Армении и России. Об этом сообщает пресс-служба АРФД.