2024-10-09 13:50
Информагентства
ՔՊ-Ն ԴԺԳՈՀ Է ՓԱՇԻՆՅԱՆԻ ՈՒ ԽԱՉԱՏՈՒՐՅԱՆԻ ՄՏԵՐՄՈՒԹՅՈՒՆԻՑ
«Քաղաքացիական պայմանագիր» կուսակցության ներկայացուցիչները դժգոհ են վարչապետ Նիկոլ Փաշինյանի և նախագահ Վահագն Խաչատուրյանի մտերմությունից, գրել է «Ժողովուրդ»-ը՝ հղում անելով աղբյուրներին։
Թերթի տեղեկություններով՝ ՔՊ պատգամավորները կուլիսային զրույցներում դժգոհել են, որ Փաշինյանը վերջին շրջանում մեծ ուշադրություն է դարձնում Խաչատուրյանին, որը, նրանց կարծիքով, «փաստացի, թանգարաններում կամ մշակութային այլ վայրերում լուրջ դեմքով շրջելուց և Փաշինյանի ուղարկած փաստաթղթերը դակելուց զատ՝ որևէ այլ գործառույթ չի կատարում»։
«Փաշինյանը ոչ հրապարակային, առանձին հանդիպումներ է ունենում նախագահի հետ, նրա հետ կարևոր հարցեր քննարկում, հաճախ խորհրդատվության համար է դիմում Խաչատուրյանին, սակայն իր հարազատ խմբակցությանը վերաբերվում է որպես հավաքական անկարողների: Կարճ ասած՝ ակնհայտ ցույց է տալիս թիմակիցներին, որ որքան էլ դժգոհեն Խաչատուրյանից, միևնույն է՝ չի հեռացնելու նրան»,- մեջբերում է լրատվականը աղբյուրի խոսքերը։
Թերթը հավելել է, որ ՔՊ-ն այդ մտերմությունը պայմանավորում է նրանով, որ Խաչատուրյանը, թեև թղթով իշխող կուսակցության անդամ չէ, բայց «ողնուծուծով ՔՊ-ական է, ու Փաշինյանի ասածը նրա համար սուրբ օրենք է, որից շեղվել չի կարելի»:
«Խաչատուրյանը երկրում կատարվող կարևորագույն իրադարձությունների վերաբերյալ չունի սեփական տեսակետը, շարժվում է այնպես, ինչպես Փաշինյանը կասի, և առանց երկմտելու ու բովանդակության մեջ խորանալու՝ դակում է կառավարությունից իրեն ուղարկված ցանկացած փաստաթուղթ՝ կլինի դա նոր նշանակում, պաշտոնանկություն, թե միջազգային որևէ կարևոր փաստաթուղթ»,- եզրափակել է թերթը։
Խաչատուրյանը ՀՀ նախագահ է նշանակվել 2022 թվականի մարտի 3-ին։
ПОСЛЕДНИЕ ОТ АВТОРА
-
New2025-06-26 20:14Страны ЕАЭС и Индия приняли решение начать консультации по проекту торгового соглашения. Об этом министр по торговле Евразийской экономической комиссии Андрей Слепнев заявил на брифинге в рамках Евразийского экономического форума, проходящего в Минске.
-
New2025-06-26 20:11По приглашению начальника Генерального штаба ВС Турецкой Республики генерала армии Метина Гюрака делегация Азербайджана во главе с первым заместителем министра обороны – начальником Генерального штаба ВС Азербайджана генерал-полковником Керимом Велиевым прибыла с визитом в Турцию.
-
New2025-06-26 20:05Депутат фракции «Армения» Национального собрания Лилит Галстян написала:
-
New2025-06-26 20:03Центральный комитет АРФ Дашнакцутюн Канады осуждает кампанию преследований, развязанную действующим режимом Армении против АРФД в Армении и оппозиционеров.