2024-10-12 09:40
Информагентства
Հայկ Մինասյան. Մի քանի համալսարան արդեն հայտարարել է՝ չի մասնակցելու Բաքվում կայանալիք СOP29-ին
ՀՅԴ «Շանթ» ուսանողական միության հիմնական նպատակն է զարգացնել Հայ Դատը: Այս մասին Alpha News-ի հետ զրույցում ասել է միության նախագահ Հայկ Մինասյանը:
««Շանթ» ուսանողական միության կազմում կան դաշնակցականներ տարբեր համալսարաններից: Մեր աշխատանքի հիմնական նպատակը Հայ Դատը զարգացնելն է: Մենք կոորդինացնում ենք ԱՄն ու տարբեր երկրների համալսարանների հետ աշխատանքը, երբ խնդիրներ են առաջանում»,- ասել է նա։
Մինասյանի խոսքով՝ ԱՄՆ-ում և այլ երկրների համալսարաններում՝ Կանադայում, Ավստրալիայում և այլն, կան հայկական ուսանողական միություններ։
«Կա ՄԱԿ-ի «Կլիմայի փոփոխության մասին» շրջանակային կոնվենցիա, որի տակ ստորագրել է 197 երկիր: Ամեն տարի մի քաղաք են ընտրում, որտեղ բոլորը հավաքվում են, քննարկում, խոսում իրենց ապագայի նպատակների մասին: Այս տարի գրեթե ամբողջ աշխարհը հավաքվելու է Բաքվում: Բայց միայն երկրներ չեն լինելու: Համալսարաններն էլ ուղարկում են իրենց ներկայացուցիչներին»,- ասել է Հայկ Մինասյանը:
Նա կոչ է անում չգնալ Բաքու՝ մասնակցելու Կլիմայի փոփոխության մասին ՄԱԿ-ի շրջանակային կոնվենցիայի 29-րդ համաժողովին, իսկ գնալու դեպքում ՝ բարձրաձայնել հայերի խնդիրների մասին:
«Ամերիկայում կան համալսարաններ, որտեղից ներկայացուցիչներ են ուղարկելու Ադրբեջան՝ մասնակցելու СOP29-ին: Կարծում եմ՝ դա սխալ է: Մենք կոչ ենք անում բոյկոտել, չգնալ, այլ օգնել մեզ և բարձրաձայնել հայ համայնքի խնդիրների մասին: Ուզում ենք հանրային կառույցները գրեն՝ ինչի չեն գնալու, իսկ եթե գնալու են, ապա թող այնտեղ խոսեն այդ ամենի մասին:
Մտածում ենք, որ Բաքվում համաժողովից հետո ասելու են՝ դե եկեք, գնանք Ղարաբաղ, այնտեղ շրջենք: Երբ անցած տարի Դուբայում էր անցկացվում СOP28-ը, Ադրբեջանն այնտեղ տաղավար ուներ, գրված՝ «կանաչ Ղարաբաղ»: Հիմա երբ մարդիկ գնան Բաքու, ասելու են՝ եկեք, մենք ձեզ անվճար կտանենք Արցախ»,- նշել է նա։
Հայկ Մինասյանը նաև տեղեկացրել է, որ արդեն մի քանի համալսարան հայտարարել է՝ չի մասնակցելու Բաքվում կայանալիք համաժողովին: «Դրանցից մեկը Կոլումբիայի համալսարանն է»,- հավելել է նա։
ПОСЛЕДНИЕ ОТ АВТОРА
-
New2025-06-20 20:3459,7% опрошенных высоко оценили деятельность Армянской Апостольской церкви по 10-балльной шкале, не довольны ею 18,7%. Об этом свидетельствуют данные опроса фонда "Арар", заявил директор организации Армен Хачикян.
-
New2025-06-20 20:30На данный момент задержано более двух десятков человек, но есть и те, чье местонахождение неизвестно. Об этом на встрече с журналистами 16 июня заявил представитель Верховного органа АРФ Дашнакцутюн, депутат парламента от блока «Армения» Ишхан Сагателян.
-
New2025-06-20 19:40Главным сюжетом внутренней политики Армении стало противостояние между премьером Николом Пашиняном и главой Армянской Апостольской церкви Гарегином II. Ведущий научный сотрудник Института международных исследований МГИМО Сергей Маркедонов в статье для Forbes.ru пишет, что этот конфликт, подобно воронке, вовлекает новых участников.
-
New2025-06-20 19:37Уголовное дело и арест бизнесмена, главы ГК "Ташир" Самвела Карапетяна станет плохим сигналом со стороны властей Армении для реальных и потенциальных инвесторов, сказал Sputnik Армения председатель Форума армянских союзов Европы и армянской диаспоры Словакии Ашот Григорян.