2024-10-12 12:25
Информагентства
Հակոբ ԲԱԴԱԼՅԱՆ․ ԵԹԵ ՄԻՋԱՆՑՔԸ ԲԱՑՎԻ ԹՈՒՐՔԻԱՅԻ ՊԱՅՄԱՆՆԵՐՈՎ, ԿԱՐՃ ԺԱՄԱՆԱԿ ԱՆՑ ՀՀ ՀԱՐԱՎԸ ԿՀԱՅՏՆՎԻ ԹՈՒՐՔԻԱՅԻ ՎԵՐԱՀՍԿՈՂՈՒԹՅԱՆ ՏԱԿ (ՏԵՍԱՆՅՈՒԹ)
Թուրքիայի տրանսպորտի նախարարը մի աղմկահարույց հայտարարություն է արել՝ ասելով, որ Հայաստանի հետ կա զարգացում, որը մոտ օրերս հայտնի կդառնա։ Այս թեմայի շուրջ Alpha News-ն ուղիղ եթերում զրուցել է քաղաքական մեկնաբան Հակոբ Բադալյանի հետ։
«Ենթադրություններ անել, թե ինչ նկատի ունի թուրք նախարարը, անշնորհակալ գործ կլինի։ Կարծում եմ՝ Հայաստանում մի քանի մարդ կարող է լինել, որ տեղյակ է՝ ինչի մասին է խոսում թուրք նախարարը։ Այսպիսի հայտարարությունների պետք է աչալուրջ հետևի հանրությունը, բայց միևնույն ժամանակ կարծում եմ, որ միայն այսպիսի հայտարարություններից շատ մեծ եզրակացություն անել թերևս չարժե։
Այն, որ ճանապարհների հարցում կա աշխարհաքաղաքական մոտեցումների, սուբյեկտների, գերտերությունների շատ սեղմվող պայքար, դա բավական ակնառու է ու աստիճանաբար խաղադրույքները լայն իմաստով բարձրանում են, հետևաբար, նաև այդ հարցի ուղղությամբ։ Հասկանալի է, որ շատ բարդ իրավիճակ է»,- նկատել է Հակոբ Բադալյանը։
Քաղաքական մեկնաբանի խոսքով՝ միգուցե թուրք նախարարն առանց հասկանալու է ասել՝ հաշվի չառնելլով, թե իր խոսքն ինչ արձագանք կունենա հայ հանրության շրջանում։
«Վտանգն այն է, որ այդ իրավիճակն իր մեջ պարունակում է որոշակի փակուղային տրամաբանություն։ Բախվում են իսկապես ուժեղ խաղացողների ռազմավարություններ ու չեմ պատկերացնում, թե ինչպիսի լուծում կարող է լինել, որն, այսպես ասեմ, կբավարարի այդ կողմերից որևէ մեկին ու հնարավորություն կտա ինչ-որ երկարաժամկետ համաձայնության գալ։ Ինչ նկատի ունի թուրք նախարարը․ հնարավոր է նաև այն, որ պարզապես հայտարարություն է անում իր լսարանի համար՝ առանց առանձնապես մտածելու, թե, օրինակ, հայկական լսարանում դա ինչ արձագանքի կարժանանա։ Եթե կա ինչ որ համաձայնություն, ապա ինչու է այսպես ժամանակից շուտ բացահայտվում նման բան։
Գուցե շատ մեծ նշանակություն տալ այս հայտարարությանը չարժե, բայց պետք է աչալրջորեն հետևել դրան։ Այսպիսի դեպքում հազիվ թե նախարարն այդպիսի վրիպում թույլ տար, հաստատ վրիպակ չէր։ Ենթադրություններով միայն կարող ենք առաջնորդվել։ Այն, որ խնդիր կա ու դրա շուրջ խաղադրույքները բարձրանում են, անկասկած է»,- ասել է մեր զրուցակիցը։
Նա նաև նկատել է, որ միգուցե Անկարային «խանգարում են» Ռուսաստանն ու Իրանը։
«Ի վերջո, տեսնում ենք, օրինակ, նաև Ռուսաստանի ու Իրանի շատ սերտ կոմունիկացիա՝ լայն իմաստով։ Բնական է, որ այդ կոմունիկացիան առնչվելու է նաև ճանապարհների խնդրով։ Նրանց դիրքորոշումները գիտենք։ Բոլորովին բացառված չէ, որ Թուրքիան, օրինակ, անհանգստացած լինի այս հանգամանքով, որովհետև հնարավոր է Ռուսաստանի ու Իրանի այդ կոմունիկացիան Անկարայի համար այդքան էլ ցանկալի ռեժիմներ չի դիտարկում»,- ասել է Հակոբ Բադալյանը։
Անդրադառնալով այսպես կոչված «Զանգեզուրի միջանցքին»՝ քաղաքական մեկնաբանը նշել է, որ եթե Թուրքիայի պայմաններով միջանցքը բացվի, ապա դա նշանակում է՝ շատ կարճ ժամանակում Թուրքիան անմիջապես վերահսկողության տակ է վերցնելու Հայաստանի հարավը։
«Սա կլինի ուժով, թե ոչ, արդեն Թուրքիայի որոշելիքը կլինի՝ կախված իրավիճակից։ Թուրքերը միանգամայն պատրաստ են բոլոր առումներով՝ ռեսուրսներով, խնդիրը լուծել փափուկ ուժով»,- հավելել է նա։
ПОСЛЕДНИЕ ОТ АВТОРА
-
New2025-03-18 17:28Архиепископ Макар Ашгарян, глава армянской епархии Берио (Алеппо), принял участие в церемонии перезапуска местного аэропорта, сообщает армянская газета "Гандзасар".
-
New2025-03-18 17:27Ереван занимает 816 место в рейтинг самых загрязненных городов 2024 года, сообщает компания IQAir.
-
New2025-03-18 17:25Священнослужитель Армен Мелконян лишен сана за распространение клеветнических слухов о церковной власти, внесение раскол в ряды верующих, а также за осуществление деятельности за пределами места своего служения без разрешения духовной власти. Об этом сообщил глава пресс-службы Первопрестольного Эчмиадзина, отец Есаи Артенян.
-
New2025-03-18 17:24Работу трехсторонней комиссии на уровне вице-премьеров России, Армении и Азербайджана никто не прекращал, хотя на данном этапе она находится в "спящем" состоянии. Об этом заявил журналистам вице-премьер РФ Алексей Оверчук, отвечая на вопрос, будет ли расформирована трехсторонняя рабочая группа с учетом того, что Армения и Азербайджан стали общаться напрямую между собой.